Hero Nani: సింగరాయ్ తో నాని కోరిక తీరుతుందా?

న్యాచురల్ స్టార్ నాని ఈ మధ్య కాలంలో నటించిన సినిమాలేవీ బాక్సాఫీస్ దగ్గర హిట్ స్టేటస్ ను సొంతం చేసుకోలేదు. నాని గత సినిమాలు వి, టక్ జగదీష్ థియేటర్లలో విడుదలై ఉంటే నిర్మాతలకు భారీగా నష్టాలు వచ్చేవని సోషల్ మీడియాలో కామెంట్లు వినిపించాయి. నాని తర్వాత సినిమా శ్యామ్ సింగరాయ్ ఈ నెల 24వ తేదీన థియేటర్లలో రిలీజ్ కానుంది. 50 కోట్ల రూపాయల భారీ బడ్జెట్ తో ఈ సినిమా తెరకెక్కడం గమనార్హం.

ఈ సినిమాకు పోటీగా గని రిలీజవుతుందని వార్తలు వచ్చినా వేర్వేరు కారణాల వల్ల గని రిలీజ్ డేట్ మారిందని బోగట్టా. నాని గత సినిమాలు ఓటీటీలో విడుదల కావడం నాని కెరీర్ కు మైనస్ అయింది. నిర్మాతలు నాని మర్కెట్ ను మించి శ్యామ్ సింగరాయ్ సినిమా కోసం ఖర్చు చేశారు. రాహుల్ సాంకృత్యాన్ ఈ సినిమాకు దర్శకత్వం వహించగా దర్శకుడిగా రాహుల్ కు చెప్పుకోదగ్గ స్థాయిలో పాపులారిటీ లేదనే సంగతి తెలిసిందే.

సాయిపల్లవి, కృతిశెట్టి కూడా ఈ సినిమాను ప్రమోట్ చేయడం లేదు. ఫలితంగా ఈ సినిమా ప్రమోషన్స్ భారమంతా నానిపై పడింది. నాని ఇంత భారాన్ని మోస్తున్న శ్యామ్ సింగరాయ్ బాక్సాఫీస్ దగ్గర బ్లాక్ బస్టర్ హిట్ గా నిలుస్తుందో లేదో చూడాల్సి ఉంది. నిహారిక ఎంటర్టైన్మెంట్స్ బ్యానర్ పై ఈ సినిమా తెరకెక్కింది. లవ్ స్టోరీ తర్వాత సాయిపల్లవి నటించి విడుదలవుతున్న సినిమా ఇదే కావడం గమనార్హం. ఈ సినిమాతో భారీ సక్సెస్ ను సొంతం చేసుకోవాలని అనుకుంటున్న నాని కోరిక తీరుతుందో లేదో చూడాల్సి ఉంది.

అఖండ సినిమా రివ్యూ & రేటింగ్!

Most Recommended Video

‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!