‘వరల్డ్ ఫేమస్ లవర్’ : సెన్సార్ కు బలైన సన్నివేశాలు..!

విజయ్ దేవరకొండ హీరోగా రూపొందిన తాజా చిత్రం ‘వరల్డ్ ఫేమస్ లవర్’. రాశీ ఖన్నా, కెథరిన్, ఐశ్వర్య రాజేష్, ఇజాబెల్లా వంటి క్రేజీ భామలు హీరోయిన్లుగా నటిస్తున్నారు. ‘మళ్ళీ మళ్ళీ ఇదిరాని రోజు’ ఫేమ్ క్రాంతి మాధవ్ ఈ చిత్రానికి దర్శకుడు. ‘క్రియేటివ్ కమర్షియల్స్’ బ్యానర్ పై కె.ఎస్.రామారావు, కె.ఏ. వల్లభ కలిసి ఈ చిత్రాన్ని నిర్మిస్తున్నారు. ఫిబ్రవరి 14న విడుదల కాబోతున్న ఈ చిత్రానికి సంబందించిన ట్రైలర్ ను ఇటీవల విడుదల చేయగా మంచి స్పందన లభించింది.

ఇక ఈరోజు ఈ చిత్రానికి సంబందించిన సెన్సార్ పనులు కూడా పూర్తయ్యాయి. ఈ చిత్రానికి సెన్సార్ బోర్డు వారు యూ/ఏ సర్టిఫికెట్ ను జారీ చేశారు. ఇక ఈ చిత్రంలో కొన్ని సన్నివేశాలకు సెన్సార్ బోర్డు వారు అభ్యంతరాలు తెలిపినట్టు తెలుస్తుంది :

1) ఓ సన్నివేశంలో యామిని (హీరోయిన్ రాశీ ఖన్నా) ‘స్ప్రెడ్ మై లె**స్ అని అడిగే డైలాగును మ్యూట్ చేశారట.
2) అంతేకాకుండా కొన్ని సందర్భాల్లో వచ్చే ఫ*** అనే అనే పదాన్ని కూడా మ్యూట్ చేసినట్టు సమాచారం.
3) ఇక పొగ త్రాగొద్దు, మద్యం సేవించవద్దు అనే వార్నింగ్ మెసేజ్ లు కూడా సైడ్ న వేసినట్టు తెలుస్తుంది.

ఇక ‘వరల్డ్ ఫేమస్’ లవర్ చిత్రానికి గోపిసుందర్ సంగీతం అందించిన సంగతి తెలిసిందే. మరి ఈ చిత్రం ఏ స్థాయి విజయాన్ని నమోదు చేస్తుందో చూడాలి.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!