Nani, Trivikram: నాని చెప్పిన త్రివిక్రమ్‌ సినిమా వెనుక జరిగింది ఇదేనా?

March 29, 2023 / 05:54 PM ISTByFilmy Focus

Join Us

Nani, Trivikram: నాని చెప్పిన త్రివిక్రమ్‌ సినిమా వెనుక జరిగింది ఇదేనా?

త్రివిక్రమ్‌ – నాని కాంబినేషన్‌ గురించి చర్చ వచ్చినప్పుడల్లా.. భలే కాంబో కుదిరితే బాగుండు అనే మాట కచ్చితంగా వినిపిస్తుంది. ఎందుకంటే త్రివిక్రమ్‌ స్టైల్‌ రైటింగ్‌, నాని యాక్టింగ్‌ పర్‌ఫెక్ట్‌ యాక్టింగ్‌ అంత బాగా సింక్‌ అవుతాయి. అయితే గతంలో ఒకటి రెండు సందర్భాల్లో ఈ చర్చ కూడా జరిగింది. ఇటీవల ‘దసరా’ సినిమా ప్రచారం సమయంలో నాని కూడా ఇదే విషయం చెప్పాడు. త్రివిక్రమ్‌ నా కోసం ఓ కథ సిద్ధం చేస్తున్నారేమో అనుకుంటా అని కూడా అన్నారు. దీంతో అసలు ఏం జరిగింది అనే చర్చ మొదలైంది.

‘‘త్రివిక్రమ్ నా కోసం కథ రాస్తున్నారని అనుకుంటున్నాను. నాతో సినిమా చేస్తానని ఓ సందర్భంలో త్రివిక్రమ్ చెప్పారు కూడా’’ అని నాని చెప్పాడు. త్రివిక్రమ్‌ డైరక్షన్‌లో ఓ టైమ్‌లో మల్టీస్టారర్ చేద్దామని అనుకున్నామని, అయితే ఇప్పటివరకు కాంబినేషన్ సెట్ అవ్వలేదని చెప్పాడు. గతంలో ‘అ ఆ’ సినిమా సమయంలో నానితో త్రివిక్రమ్‌ సినిమా అంటూ చర్చ సాగింది. అయితే ఏమైందో ఏమో ఆ ఊసే లేదు. దీంతో అసలు ఏం జరిగింది అనేది ఎంక్వైరీ చేస్తే అసలు విషయం తెలిసిందే.

సినిమాకీ, సినిమాకీ మ‌ధ్య‌ త్రివిక్ర‌మ్‌కు కాస్త ఎక్కువ గ్యాప్‌ తీసుకోడం చూస్తూనే ఉంటాం. ఈ సమయంలోనే మీడియం సైజు ప్రాజెక్ట్ ప‌ట్టాలెక్కిస్తుంటారు. అలా ఓ కథ రెడీ చేసి నానితో తీద్దాం అనుకున్నారట. అయితే అది సోలో సినిమా కాదట. నానితో మరో యువ హీరో నటించే ప్రాజెక్ట్‌. దీని కోసం అప్పట్లో త్రివిక్రమ్‌ కొన్ని ప్రయత్నాలు కూడా చేశారు. ఆ టైమ్‌లోనే నానితోపాటు మరికొంతమంది దగ్గర త్రివిక్రమ్ ఈ క‌థ పాయింట్‌ డిస్కస్‌ చేశారట. కానీ లెక్క కుదరక సినిమా ముందుకెళ్లలేదు అంటున్నారు.

నాని(Nani) ఓ హీరో అయితే, శ‌ర్వానంద్‌, నితిన్‌, నాగ‌శౌర్య‌ లాంటి యంగ్ హీరోల్లో ఒకరు మరో హీరో పాత్రకు బాగుంటారు అని అనుకున్నారట. ఆ సమయంలో త‌మిళ సీమ నుండి కార్తి, ఆర్య లాంటి హీరోల పేర్లూ ప‌రిశీలించారట. కానీ ఈ ప్రాజెక్టు ఆగిపోయింది. అయితే ఆ కథను వేరే దర్శకుడికి ఇచ్చి చేసే అవకాశం ఉంది అని అంటున్నారు. ఆ కారణంతోనే ‘నా కోసం త్రివిక్రమ్‌ ఓ కథ రాస్తున్నారు’ అని నాని అన్నాడు అంటున్నారు. త్వరలోనే దీనిపై క్లారిటీ వస్తుందని చెప్పొచ్చు.