Dhanush: స్టార్ హీరోకి కోవిడ్ పాజిటివ్.. ఆగిపోయిన షూటింగ్!

కోలీవుడ్ సూపర్ స్టార్ ధనుష్ స్ట్రెయిట్ తెలుగు సినిమా చేస్తోన్న సంగతి తెలిసిందే. నిజానికి శేఖర్ కమ్ముల సినిమాతో ఆయన టాలీవుడ్ కి పరిచయం కావాల్సింది కానీ.. ఆ సినిమా ఆలస్యమవుతుండడంతో వెంకీ అట్లూరి సినిమా మొదలుపెట్టారు. తెలుగు, తమిళ భాషల్లో ఈ సినిమా తెరకెక్కుతోంది. తెలుగులో దీనికి ‘సార్’ అనే టైటిల్ పెట్టగా.. తమిళంలో ‘వాతి’ అనే టైటిల్ పెట్టారు. ఇటీవలే ఈ సినిమా రెగ్యులర్ షూటింగ్ కూడా మొదలైంది.

అయితే ఇప్పుడు సడెన్ గా షూటింగ్ కి బ్రేక్ పడింది. కరోనా కేసులు పెరిగిపోతుండడంతో షూటింగ్ ఆగిందని అంటున్నారు కానీ అసలు విషయం వేరే అని తెలుస్తోంది. ఈ మధ్యన ధనుష్ ఆరోగ్యం కాస్త దెబ్బతినడంతో ఆయనకు టెస్ట్ లు చేయించారు. ఇందులో ఆయన కోవిడ్ పాజిటివ్ గా నిర్ధారణ అయింది. దీంతో వెంటనే షూటింగ్ ఆపేశారు. ప్రస్తుతం ధనుష్ ఐసొలేషన్ లో ఉంటున్నారని సమాచారం. మరో వారం రోజుల తరువాత టెస్ట్ చేయించి.. నెగెటివ్ వస్తే షూటింగ్ మొదలుపెట్టాలని చూస్తున్నారు.

ఈ సినిమా షూటింగ్ మొత్తం హైదరాబాద్ లోనే జరుగుతుందట. ఈ సినిమాకి పెద్దగా లొకేషన్స్ తో అవసరం లేదని చెబుతున్నారు. దీంతో రామోజీ ఫిల్మ్ సిటీలో షూటింగ్ మొత్తం కానిచ్చేస్తున్నారు. ఈ సినిమాను సితార ఎంటర్‌టైన్మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య(త్రివిక్రమ్ భార్య) సంయుక్తంగా నిర్మిస్తున్నారు. మలయాళ బ్యూటీ సంయుక్తా మీనన్ ఈ సినిమాలో హీరోయిన్ గా నటిస్తోంది. జీవీ ప్రకాష్ కుమార్ ఈ సినిమాకి సంగీతం అందించనున్నారు. ఈ ఏడాదిలోనే సినిమాను విడుదల చేయాలని ప్లాన్ చేస్తున్నారు.

బంగార్రాజు సినిమా రివ్యూ & రేటింగ్!

Most Recommended Video

చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
ఎన్టీఆర్ టు కృష్ణ.. ఈ సినీ నటులకి పుత్రశోఖం తప్పలేదు..!
20 ఏళ్ళ ‘టక్కరి దొంగ’ గురించి ఎవ్వరికీ తెలియని కొన్ని విషయాలు..!