శ్రీనువైట్ల.. ఒకప్పటి టాలీవుడ్ స్టార్ డైరెక్టర్. ఒకప్పుడు ఈయన సినిమాలు అంటే మినిమమ్ గ్యారంటీ అని అటు దర్శకనిర్మాతలు ఇటు హీరోలు భావించేవారు. రిపీట్ వాల్యూ కలిగిన సినిమాలు కూడా అందించిన ఘనత శ్రీనువైట్లకు ఉంది.మనం ఇప్పుడు సోషల్ మీడియాలో చూసే చాలా వరకు మీమ్స్ శ్రీను వైట్ల సినిమాల్లోని టెంప్లేట్స్ తో చేసినవే కావడం గమనార్హం. అయితే ఒక్కసారిగా ఈయన కెరీర్ గ్రాఫ్ పడిపోయింది. ‘బాద్ షా’ వరకు బాగానే నెట్టుకొచ్చిన శ్రీనువైట్ల…
ఆ తర్వాత హిట్టు కొట్టలేక వరుస డిజాస్టర్లు మూటగట్టుకున్నాడు. ‘ఆగడు’ ‘బ్రూస్ లీ’ ‘మిస్టర్’ ‘అమర్ అక్బర్ ఆంటోని’ ఇలా ఒకదాన్ని మించి మరొకటి అన్నట్టు డిజాస్టర్లు ఇచ్చాడు శ్రీను వైట్ల. దాదాపు 5 ఏళ్ళ నుండి ఇతను ఖాళీగా ఉన్నాడు. మంచు విష్ణుతో సినిమా అనౌన్స్ చేశాడు కానీ ఎందుకో అది మధ్యలోనే ఆగిపోయింది. కానీ ఆగిపోయినట్టు అధికారిక ప్రకటన అయితే రాలేదు. తర్వాత చిరంజీవిని రెగ్యులర్ కలుస్తూ కథలు వినిపించాడు.
చిరు ఛాన్స్ ఇవ్వడానికి రెడీగా ఉన్నా.. వైట్ల మాత్రం తన కథలతో మెప్పించలేకపోయాడు. అయితే ఇక శ్రీను వైట్ల కెరీర్ దాదాపు ఎండింగ్ కు వచ్చేసింది అనుకున్న టైంలో గోపీచంద్ అతనికి ఛాన్స్ ఇచ్చాడట. ఈ మధ్యనే గోపీచంద్ కు కథ వినిపించి ఓకే చేయించుకున్నాడు శ్రీను వైట్ల. గోపీచంద్ కు కూడా ఇప్పుడు హిట్లు లేవు. మిడ్ రేంజ్ డైరెక్టర్లు కూడా అతనితో సినిమాలు చేయడానికి ఇంట్రెస్ట్ చూపించడం లేదు.
ఇలాంటి టైంలో అతను శ్రీను వైట్లతో సినిమా చేయడానికి రెడీ అయ్యాడు. ఒకవేళ ఆ సినిమా రిజల్ట్ తేడా కొట్టినా గోపి కెరీర్ కు వచ్చే ఇబ్బంది ఏమీ ఉండదు. కానీ ఆ ఛాన్స్ ను వందకు వంద శాతం వాడుకోవాల్సిన బాధ్యత మాత్రం శ్రీను వైట్ల పై ఉంటుంది. లేదంటే ఇక అతని కెరీర్ కు ఫుల్ స్టాప్ పడినట్టే..!
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
