Hero Nani: ఆ కారణాల వల్లే రెండు సూపర్ హిట్లను మిస్ చేసుకున్నాడట..!

నేచురల్ స్టార్ నాని మరికొన్ని గంటల్లో ‘టక్ జగదీష్’ గా ప్రేక్షకుల ముందుకు రానున్నాడు. శివ నిర్వాణ దర్శకత్వంలో తెరకెక్కిన ఈ మూవీ అమెజాన్ ప్రైమ్లో వినాయక చవితి కానుకగా సెప్టెంబర్ 10న విడుదల కాబోతుంది. ఇప్పటికే విడుదల చేసిన టీజర్,ట్రైలర్లు.. ప్రేక్షకులను అమితంగా ఆకట్టుకున్నాయి. దాంతో సినిమా పై అంచనాలు కూడా పెరిగాయి. ఇదిలా ఉండగా.. ఈ చిత్రం ప్రమోషన్లలో భాగంగా నాని ఓ ఇంటర్వ్యూలో పాల్గొని కొన్ని ఆసక్తికరమైన విషయాలను చెప్పుకొచ్చాడు.

థియేటర్లలో ఈ సినిమాని మిస్ చేస్తున్నందుకు తనకి బాధగానే ఉందని.. కానీ తప్పడం లేదని, అయితే పండుగ రోజునాడు ప్రేక్షకులను అలరించే అవకాశం దక్కడం ఆనందంగా ఉందని చెప్పుకొచ్చాడు. అంతేకాకుండా.. రాజా రాణి, ఎఫ్ 2 వంటి సూపర్ హిట్ సినిమాలను మిస్ చేసుకున్నట్టు కూడా చెప్పి షాక్ ఇచ్చాడు. ‘రాజా రాణి’ కథని తనకి జెమినీ టీవీ ఆఫీస్ లో వినిపించారని అయితే ఆ టైంలో ‘ఎటో వెళ్ళిపోయింది మనసు’ చిత్రంతో బిజీగా ఉన్నానని, దాని తర్వాత కృష్ణవంశీ దర్శకత్వంలో ‘పైసా’ మూవీ చేయడానికి కూడా సైన్ చేసినట్టు చెప్పాడు నాని.

దీంతో ‘రాజా రాణి’ సినిమా కోసం ఓ దర్శకుడిని సంవత్సరం పాటు వెయిట్ చేయించడం సరికాదు అని భావించి ఆ ఆఫర్ ను వద్దనుకున్నాడట. ఇక ‘ఎఫ్2’ టైములో అనిల్ రావిపూడి, దిల్ రాజు లు… సంప్రదించినప్పటికీ బిజీ షెడ్యూల్ వల్ల ఆ మూవీ కూడా చేయలేకపోయానని తెలిపాడు.

Most Recommended Video

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!