కమర్షియల్ హీరోలకు డిఫరెంట్ రోల్స్ చేయడం అనేది సాహసమే, అందులోను నెగెటివ్ షేడ్స్ ఉన్న రోల్ అంటే చాలా ఆలోచించాలి. సరిగ్గా కథలో బాలన్స్ చేయలేకపోతే ఫ్యాన్స్ కి ఏమాత్రం నచ్చదు. వి చిత్రంలో నాని ఇలాంటి పాత్రనే చేశాడు. సీరియల్ కిల్లర్ రోల్ చేస్తున్న ఆయన పాత్రలో నెగెటివ్ షేడ్స్ కనిపిస్తున్నాయి. అలాగే ఆయన పాత్రకు సైకో లక్షణాలు కలిగి ఉండడం మరొక విశేషం. తన 25వ చిత్రం కోసం హీరో నాని ఈ పాత్రను చాలా ఛాలెంజింగ్ గా తీసుకొని చేశారు.
వి మూవీ విజయంపై ఎంతో విశ్వాసంతో ఉన్న నాని, మూవీ గురించి కొన్ని ఆసక్తికర సంగతులు పంచుకున్నారు. ఫ్యాన్స్ కి సరికొత్త సర్ప్రైజ్ ఇవ్వాలని నాని ఈ మూవీ చేశారట. ఈ సినిమా తనకు చాలా ప్రత్యేకమన్న నాని, ప్రేక్షకులను థ్రిల్ కి గురిచేస్తుంది అన్నారు. ఉత్కంఠగా సాగె యాక్షన్ డ్రామాలో ప్రేక్షకులను మునివేళ్లపై నిలబెడుతుందని ఆయన చెప్పడం విశేషం. నిన్న విడుదలైన ట్రైలర్ మూవీపై అంచనాలు మరింత పెంచేదిగా, ఊపిరి సలపని యాక్షన్ సన్నివేశాలతో ఆసక్తిగా సాగింది.
దర్శకుడు ఇంద్రగంటి మోహన కృష్ణ ఓ పర్ఫెక్ట్ స్క్రిప్ట్ ని అధ్బుతమైన పాత్రలతో నడిపించినట్లు తెలుస్తుంది. సుధీర్ బాబు, నివేదా థామస్ పాత్రలు సైతం సినిమాలో కీలకంగా కనిపిస్తున్నాయి. సెప్టెంబర్ 5నుండి ఈ చిత్రం అమెజాన్ ప్రైమ్ లో అందుబాటులోకి రానుంది.
Most Recommended Video
మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
IMDB రేటింగ్స్ ప్రకారం టాప్ 25 టాలీవుడ్ మూవీస్ ఇవే…!
