సినిమాలో ఇద్దరు హీరోలు ఉండి.. అందులో ఒకరు సీనియర్‌ అయితే, రెండో వాడు జూనియర్‌ అయితే.. ఆ ఇద్దరూ కలసి షూటింగ్‌లో పాల్గొంటున్నారు అనే విషయం ఎలా చెప్పాలి? దీనికి ఇటీవల కాలంలో కనిపించిన సమాధానం ‘వాల్తేరు వీరయ్య’ (టైటిల్‌ అఫీషియల్‌గా చెప్పలేదు) వీడియో అని చెప్పొచ్చు. చిరు క్యారవాన్‌లోకి రవితేజ వెళ్లిన సీన్‌ మీరూ చూసి ఎంజాయ్‌ చేసే ఉంటారు. ఇప్పుడు అలానే రవితేజ క్యారవాన్‌లోకి నాని వెళ్లాలని అనుకుంటున్నాడు.
అవును, మీరు చదివింది నిజం. ఈ మాట చెప్పింది ఎవరో కాదు నానీనే. రవితే ‘రామారావు ఆన్‌డ్యూటీ’ సినిమా ప్రి రిలీజ్ ఈవెంట్‌కి నాని ముఖ్య అతిథిగా విచ్చేశాడు. ఈ సందర్భంగా సినిమా గురించి, రవితేజ గురించి మాట్లాడుతూ ఈ ఆసక్తికర వ్యాఖ్యలు చేశాడు. రవితేజతో మల్టీస్టారర్‌ సినిమా చేయాలని ఉందని చెప్పకనే చెప్పాడు నాని. మరి దర్శకులు, రచయితలు ఆ దిశగా కథలు రాసుకోవడానికి సిద్ధమైపోయావాలి. ఇద్దరూ రెండు రకాలు.. కలిస్తే అదిరిపోతుందంతే.
ఈ వేదిక మీద రవితేజ గురించి నాని చేసిన వ్యాఖ్యలు ఫుల్ వైరల్ అవుతున్నాయి కూడా. ‘నేను సాధించాను.. మీరెందుకు సాధించలేరు’ అని ధైర్యాన్నిచ్చే వాడు ప్రతి జనరేషన్‌కీ ఒకడుంటాడు. అలాంటి వారిలో రవితేజ ఒకడు అంటూ మాస్‌ సినిమా డైలాగ్‌ రేంజిలో చెప్పాడు నాని. రవితేజకు చిరంజీవి అంటే ఇష్టం. ఆయన కెరీర్‌ మొదలు పెట్టినప్పుడు చిరుని స్ఫూర్తిగా తీసుకున్నారు. మేము కెరీర్‌ మొదలు పెట్టినప్పుడు స్ఫూర్తినిచ్చింది రవి అన్న అని చెప్పాడు నాని.
మొన్నీ మధ్య ఓ సినిమా కోసం చిరంజీవి క్యారవ్యాన్‌లోకి రవితేజ వెళ్లిన సీన్‌ చూశా. త్వరలో నేనూ రవితేజ క్యారవాన్‌లోకి అలా అడుగు పెట్టాలనుకుంటున్నాను అంటూ మనసులో కోరిక చెప్పేశాడు నాని. 20 ఏళ్ల నుండి రవితేజ ఆన్‌ డ్యూటీ. ఈ నెల 29 నుండి ‘రామారావు ఆన్‌ డ్యూటీ’ అంటూ సినిమాకు, కార్యక్రమానికి ఫుల్ హైప్‌ ఇచ్చాడు నాని.
Most Recommended Video
ఈ 10 మంది దర్శకులతో కనుక గోపీచంద్ సినిమాలు తీస్తే.. యాక్షన్ మూవీ లవర్స్ కు పండగే..!
డిజాస్టర్ టాక్ తో కూడా రూ.70 కోట్లు పైగా కలెక్ట్ చేసిన 10 సినిమాల లిస్ట్..!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
Home