న్యాచురల్ స్టార్ నాని కి పెద్ద ప్రమాదం తప్పింది. ప్రస్తుతం నాని దసరా అనే చిత్రంలో నటిస్తున్న సంగతి తెలిసిందే. బొగ్గు గనుల నేపథ్యంలో తెరకెక్కుతున్న చిత్రమిది.శ్రీకాంత్ ఓడెల దర్శకత్వంలో తెరకెక్కుతున్న ఈ చిత్రం షూటింగ్ ప్రస్తుతం గోదావరి ఖనిలో జరుగుతుంది. అయితే ఓ సన్నివేశంలో భాగంగా..బొగ్గు ట్రక్కు కింద నాని ఉండగా.. ఎవ్వరూ ఊహించని విధంగా బొగ్గు అంతా నాని పై పడిందట. కానీ నాని కి గాయలేమి కాలేదని తెలుస్తుంది.
కాకపోతే కొద్దిసేపు షూటింగ్ ఆగిపోయింది. కొంచెం సేపు నాని విశ్రాంతి తీసుకున్న తర్వాత తిరిగి షూటింగ్ ప్రారంభమైంది. అభిమానులు కంగారు పడాల్సిన పనిలేదు అని చిత్ర బృందం తెలిపినట్టు సమాచారం. ఎస్.ఎల్.వి సినిమాస్ పతాకంపై సుధాకర్ చెరుకూరి ఈ చిత్రాన్ని నిర్మిస్తున్నారు. నాని కెరీర్ లోనే భారీ బడ్జెట్ తో తెరకెక్కుతుంది ఈ చిత్రం.నానికి చాలా నచ్చిన కథ ఇది. ఈ సినిమా కోసం నాని 7 కేజీలు బరువు తగ్గడాని తెలుస్తుంది.
కీర్తి సురేష్ ఇందులో హీరోయిన్ గా నటిస్తుంది. ఇప్పటికే విడుదల చేసిన గ్లింప్స్ కు సూపర్ రెస్పాన్స్ లభించింది. తమిళ సంగీత దర్శకుడు సంతోష్ నారాయణ్ ఈ చిత్రంతో టాలీవుడ్లో అడుగుపెడుతున్నారు. ఈ ఏడాది ఫస్ట్ హాఫ్ లో అంటే సుందరానికి చిత్రంతో ప్రేక్షకుల ముందుకు వచ్చిన నాని .. సెకండ్ హాఫ్ లో దసరా చిత్రంతో ప్రేక్షకుల ముందు రాబోతున్నాడు.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home