Hero Nani: ఆ హీరోయిన్ సినిమా చూడటం ఇప్పటికీ కలగానే ఉంటుంది!

March 29, 2023 / 04:21 PM ISTByFilmy Focus

Join Us

Hero Nani: ఆ హీరోయిన్ సినిమా చూడటం ఇప్పటికీ కలగానే ఉంటుంది!

నాచురల్ స్టార్ నాని ప్రస్తుతం దసరా సినిమా ప్రమోషన్ కార్యక్రమాలలో ఎంతో బిజీగా ఉన్నారు. శ్రీకాంత్ ఓదెల అనే కొత్త దర్శకుడి దర్శకత్వంలో పాన్ ఇండియా స్థాయిలో తెరకెక్కిన ఈ సినిమా మార్చి 30 తేదీ ప్రేక్షకుల ముందుకు రానుంది. ఇలా ఈ సినిమా విడుదల తేదీ దగ్గర పడటంతో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఇక ఈ సినిమా సింగరేణి బొగ్గు గనుల నేపథ్యంలో ప్రేక్షకుల ముందుకు రానుంది.

ఈ సినిమాలో నాని సరసన కీర్తి సురేష్ జంటగా నటించారు.ఇక ఈ సినిమా ప్రమోషన్లలో భాగంగా నాని ఇండస్ట్రీలో తనకు ఇష్టమైన హీరోయిన్ ఎవరు అనే విషయం గురించి తెలియజేశారు. ఈ సందర్భంగా ఈమె మాట్లాడుతూ తనకు ఇండస్ట్రీలో ఇప్పటికీ ఫేవరెట్ హీరోయిన్ దివంగత నటి శ్రీదేవి అని తెలిపారు. తాను పెరుగుతున్న కొద్ది శ్రీదేవి గారికి వీరాభిమానిగా మారిపోయానని నాని తెలియజేశారు. తన జీవితం పై శ్రీదేవి గారి ప్రభావం ఎక్కువగా ఉందని నాని తెలిపారు.

ఇక నా డ్రీమ్ డేట్ కూడా శ్రీదేవి గారేనని దురదృష్టవశాత్తు ఆమె నేడు మన మధ్యన లేరు అంటూ ఈయన ఎమోషనల్ అయ్యారు. ఇక రాంగోపాల్ వర్మ దర్శకత్వంలో శ్రీదేవి నటించిన క్షణ క్షణం సినిమాలో ఆమెను కనుక చూస్తుంటే ఇప్పటికీ నాకు ఆ సినిమా ఓ కలగానే ఉంటుందని నాని ఈ సందర్భంగా శ్రీదేవి గురించి ఆమె నటించిన సినిమా గురించి చేసినటువంటి కామెంట్స్ వైరల్ అవుతున్నాయి. ఈ విధంగా నాని తాను శ్రీదేవి గారికి పెద్ద అభిమాని అని తెలియజేయడంతో శ్రీదేవి అభిమానులు కూడా సంతోషం వ్యక్తం చేస్తున్నారు.

ఇక దసరా సినిమా విషయానికి వస్తే నాని (Hero Nani) కెరియర్ లో ఇప్పటివరకు అత్యంత భారీ బడ్జెట్ సినిమాగా ఈ సినిమా నిలిచింది. ఇక ఈ సినిమా కోసం ఈయన ఏకంగా 20 కోట్ల రెమ్యూనరేషన్ అందుకున్నట్టు సమాచారం. ఇలా భారీ బడ్జెట్ సినిమాతో పాన్ ఇండియా స్థాయిలో ప్రేక్షకుల ముందుకు వస్తున్నటువంటి నాని ఈ సినిమాతో ఎలాంటి సక్సెస్ అందుకుంటారో తెలియాల్సి ఉంది.