టాలీవుడ్ నేచురల్ స్టార్ నాని రొటీన్ సినిమాలను ఈ మధ్య పెద్దగా టచ్ చేయడం లేదు. ప్రయోగాలకు దూరంగా ఉంటాడు అనే విమర్శలకు చెక్ పెట్టాలని ఆలోచిస్తున్నట్లు చాలా క్లియర్ గా అర్థమవుతోంది. అలాగాని పూర్తిగా ప్రయోగాలే చేయాలని అనుకోవడం లేదు. మధ్యలో కమర్షియల్ సినిమాలను కూడా టచ్ చేయాలని ఫిక్స్ అయ్యాడు. ఇక ప్రస్తుతం 3 సినిమాలు లైన్ లో ఉండగా మరో రెండు చర్చల్లో ఉన్నట్లు తెలుస్తోంది.
ముందుగా టక్ జగదీష్ సినిమా విడుదలకు రెడీగా ఉన్న విషయం తెలిసిందే. ఈ ఫ్యామిలీ డ్రామా థియేటర్స్ పూర్తి స్థాయిలో ఓపెన్ అయ్యాకే విడుదలవుతుంది. ఇక ‘శ్యామ్ సింగరాయ్’, ‘అంటే.. సుందరానికి’ సినిమాలు కూడా విభిన్నమైన జానర్స్ లో రాబోతున్నాయి. ఇక శ్రీకాంత్ అనే మరొక కొత్త దర్శకుడితో చేయనున్న సినిమాలో ఊర మాస్ లుక్ లో తెలంగాణ యాసలో కనిపిస్తాడని సమాచారం. అయితే ఇటీవల నాని మరో సినిమాకు కూడా గ్రీన్ సిగ్నల్ ఇచ్చినట్లు టాక్ వస్తోంది.
వకీల్ సాబ్ డైరెక్టర్ వేణు శ్రీరామ్ తో మరొక సినిమా చేయనున్నాడట. ఇదివరకే వీరి కాంబినేషన్ లో MCA అనే సినిమా వచ్చిన విషయం తెలిసిందే. ఇక ఫైనల్ గా రెండో కథపై కూడా చర్చలు జరుగుతున్నాయని ఫిల్మ్ నగర్ లో టాక్ వినిపిస్తోంది. అయితే ఈ సినిమాను వేణు శ్రీరామ్ అల్లు అర్జున్ ఐకాన్ కంటే ముందు తీస్తాడా? లేక దాని తరువాత తీస్తాడా అనేది తెలియాల్సి ఉంది.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home