కథల విషయంలో నాని మరీ ఇంత కేరింగా..?

March 9, 2020 / 05:49 PM ISTByFilmy Focus

Join Us

నేచురల్ స్టార్ నాని త్వరలోనే ‘వి’ చిత్రంతో ప్రేక్షకుల ముందుకు రానున్నాడు. ఇంద్రగంటి మోహన్ కృష్ణ డైరెక్షన్ లో తెరకెక్కుతోన్న ఈ చిత్రంలో నాని నెగిటివ్ రోల్ లో కనిపించబోతున్న సంగతి తెలిసిందే. ఇటీవల విడుదలైన టీజర్ కూడా సినిమా పై అంచనాలను పెంచేసింది. ఇక ఈ చిత్రం తర్వాత నాని… ‘టక్ జగదీష్’ అనే చిత్రంలో నటిస్తున్నాడు. శివ నిర్వాణ డైరెక్షన్ లో తెరకెక్కుతోన్న ఈ చిత్రం షూటింగ్ ప్రస్తుతం రాజమండ్రి లో జరుగుతుంది. ఈ చిత్రం చేస్తూనే మరో చిత్రాన్ని కూడా నాని లైన్లో పెట్టేసాడు.

Hero Nani Latest Still

‘టాక్సీ వాలా’ వంటి హిట్ కొట్టిన రాహుల్ సంకృత్యాన్ డైరెక్షన్ లో ఈ చిత్రం తెరకెక్కుతోంది. ‘సితార ఎంటర్టైన్మెంట్స్’ బ్యానర్ పై సూర్య దేవర నాగ వంశీ ఈ చిత్రాన్ని నిర్మిస్తున్నాడు. ‘శ్యామ్ సింగ రాయ్’ అనే టైటిల్ ను కూడా ఈ ప్రాజెక్ట్ కు ఫిక్స్ చేసారు. అయితే ఈ చిత్రం కథని నాని 50 లక్షలకి కొనుగోలు చేసాడట. ఆ తరువాత దీనిని రాహుల్ కు అప్పగించినట్టు తెలుస్తుంది. కొనుగోలు చేసిన కథే అయినా మార్పులు అవసరమని నాని … సూచించాడట. ఓ ఆడియో కంపెనీకి చెందిన వ్యక్తి దగ్గర నాని ఈ కథని కొనుగోలు చేసినట్టు సమాచారం. ఏమైనా కథల విషయంలో నాని ఎన్ని జాగ్రతలు తీసుకుంటాడో ఈ విషయాన్ని బట్టి అర్థం చేసుకోవచ్చు.