Nikhil: ‘కార్తికేయ2’ కొత్త రిలీజ్ డేట్.. ఈసారి నితిన్ కి పోటీగా!

యంగ్ హీరో నిఖిల్ నటించిన లేటెస్ట్ సినిమా ‘కార్తికేయ2’. కొన్నేళ్లక్రితం వచ్చిన ‘కార్తికేయ’ సినిమాకి సీక్వెల్ గా దీన్ని తెరకెక్కించారు. చందు మొండేటి డైరెక్ట్ చేసిన ఈ సినిమాపై ప్రేక్షకుల్లో భారీ అంచనాలు నెలకొన్నాయి. నిజానికి ఈ సినిమా జూలై 22న ప్రేక్షకుల ముందుకు రావాల్సివుంది. కానీ చైతన్య నటించిన ‘థాంక్యూ’ అదే రోజున వస్తుండడంతో నిర్మాత దిల్ రాజు.. ‘కార్తికేయ2’ టీమ్ ని కన్విన్స్ చేసి సినిమాను వాయిదా వేసేలా చేశారు.

ఆ తరువాత నిఖిల్ అండ్ కో ఆగస్టు 5న సినిమాను రిలీజ్ చేద్దామనుకున్నారు. కానీ అదే సమయానికి కళ్యాణ్ రామ్ ‘బింబిసార’ రిలీజ్ కానుంది. రెండు ఫాంటసీ స్టోరీలు కావడంతో ఇప్పుడు ‘కార్తికేయ2’ని ఆగస్టు సెకండ్ వీక్ లో రిలీజ్ చేయాలనుకుంటున్నారు. ఆగస్టు 12న ఈ సినిమాను రిలీజ్ చేయబోతున్నట్లు ప్రకటించారు. అయితే అదే వారంలో చాలా సినిమాలు రిలీజ్ కాబోతున్నాయి. నిఖిల్ ఇన్ని వాయిదాలు వేసుకున్నా.. అతడికి సోలో రిలీజ్ అయితే దక్కడం లేదు.

ఆగస్టు 12న నితిన్ నటించిన ‘మాచర్ల నియోజకవర్గం’ కూడా రిలీజ్ కాబోతుంది. ఇదొక పొలిటికల్ యాక్షన్ డ్రామా. నితిన్ సొంత బ్యానర్ పై దీన్ని తెరకెక్కించారు. చాలా రోజుల క్రితమే నితిన్ తన సినిమా రిలీజ్ డేట్ ను ఫిక్స్ చేసుకున్నారు. కాబట్టి ఇప్పుడు వెనుకడుగు వేసే ఛాన్సే లేదు.

కాబట్టి నిఖిల్, నితిన్ ల మధ్య బాక్సాఫీస్ పోరుకి రంగం సిద్ధమవుతోంది. అయితే రెండూ వేర్వేరు జోనర్స్ కాబట్టి ఆడియన్స్ రెండు సినిమాలను చూడడానికి ఆసక్తి చూపుతారు. కానీ థియేటర్లు, ఓపెనింగ్స్ షేర్ చేసుకోవాల్సి ఉంటుంది. ఇక ఆగస్టు 11న ‘లాల్ సింగ్ చద్దా’, ఆగస్టు 13న ‘స్వాతిముత్యం’ సినిమాలు ప్రేక్షకులను అలరించబోతున్నాయి.

ది వారియర్ సినిమా రివ్యూ & రేటింగ్!

Most Recommended Video

రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!