Nithiin: మరోసారి గవర్నమెంట్ ఉద్యోగిగా కనిపించబోతున్న నితిన్!

ఇప్పటి యంగ్ హీరోలు ప్రభుత్వ ఉద్యోగులుగా పని చేయడానికి ఉత్సాహం చూపిస్తున్నారు. ముఖ్యంగా పోలీస్ పాత్రలు చేయడానికైతే… స్క్రిప్ట్ ప్రాపర్ గా లేకపోయినా ఉ.. కొట్టేస్తున్నారు. పోలీస్ పాత్రలతో మాస్ ఆడియన్స్ కి బాగా దగ్గరవ్వచ్చు. వాటికి ఎప్పటికీ మంచి గిరాకీ ఉంటుంది. ఉదాహరణకి చూసుకుంటే.. మహేష్ బాబు మార్కెట్ ని రెండింతలు పెంచిన సినిమా ‘పోకిరి’. అందులో మహేష్ పోలీస్ గా పనిచేశాడు. అలాగే అతను ప్లాపుల్లో ఉన్నప్పుడు హిట్ ఇచ్చిన ‘దూకుడు’ లో కూడా మహేష్ పోలీస్ గానే చేశాడు.

వరుస ప్లాపుల్లో ఉన్నప్పుడు పవన్ కళ్యాణ్ ‘గబ్బర్ సింగ్’ తో హిట్టు కొట్టాడు. అందులో కూడా పవన్ పోలీస్ గా కనిపించాడు. ఇక రవితేజ ‘క్రాక్’ తో ప్లాపుల నుండి బయటపడ్డాడు. ఇప్పుడు నితిన్ కూడా అదే ఫార్ములాని అప్లై చేయబోతున్నాడు. వ‌క్కంతం వంశీ ద‌ర్శ‌క‌త్వంలో నితిన్ ఓ సినిమా చేస్తున్నాడు. ఇందులో నితిన్ పోలీస్ గా కనిపించబోతున్నాడని టాక్. నిజానికి ఈ మూవీలో (Nithiin) నితిన్ ఓ జూనియ‌ర్ ఆర్టిస్టుగా నటిస్తున్నట్టు ప్రచారం జరిగింది.

కాకపోతే తర్వాత ఇతను పోలీస్ గెట‌ప్ లో దర్శనమిస్తాడని తెలుస్తుంది. ఈ పాత్ర సినిమాలో చాలా కీలకంగా ఉంటుందని సమాచారం. నితిన్ గత చిత్రం మాచర్ల నియోజకవర్గం లో అతను కలెక్టర్ పాత్రని పోషించిన సంగతి తెలిసిందే. ఈసారి పోలీస్ గా కనిపించబోతున్నాడన్న మాట. ‘జూనియ‌ర్‌’, ‘ఎక్స్ట్రా ఆర్డిన‌రీ మెన్‌’ అనే టైటిల్స్ ను ఈ చిత్రం కోసం పరిశీలిస్తున్నారు. హారిస్ జయరాజ్ ఈ చిత్రానికి సంగీతం అందిస్తున్నారు.

అశ్విన్స్ సినిమా రివ్యూ & రేటింగ్!

ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!