టాలీవుడ్ లో చాలా మంది హీరోలు ఇంకా బ్యాచిలర్స్ గానే ఉన్నారు. గత రెండు, మూడేళ్లలో కొంతమంది వివాహం చేసుకున్నారు కానీ వివాహం చేసుకోవాల్సిన లిస్ట్ చాలా పెద్దదే. ప్రభాస్, శర్వానంద్, విజయ్ దేవరకొండ ఇలా చాలా మంది హీరోలు ఉన్నారు. ఈ లిస్ట్ లో హీరో రామ్ కూడా ఉన్నారు. అయితే ఇప్పుడు రామ్ పెళ్లి చేసుకోవడానికి రెడీ అవుతున్నాడని సమాచారం. ఈ విషయంపై టాలీవుడ్ లో జోరుగా ప్రచారం జరుగుతోంది.
రామ్ ప్రేమ వివాహం చేసుకోబోతున్నట్లు తెలుస్తోంది. తన బాల్య స్నేహితురాలు, స్కూల్ మేట్ అయిన ఒక యువతితో గత కొంతకాలంగా రామ్ ప్రేమలో ఉన్నాడని.. ఇప్పుడు ఆమెని వివాహం చేసుకోబోతున్నాడని తెలుస్తోంది. ఇరు కుటుంబాలకు చెందిన పెద్దలు ప్రేమ పెళ్లి గ్రీన్ సిగ్నల్ ఇవ్వడంతో త్వరలోనే అధికారికంగా ఈ విషయాన్ని ప్రకటించే అవకాశం ఉందని అంటున్నారు. ప్రస్తుతం రామ్ నటించిన ‘వారియర్’ సినిమా జూలై 14న విడుదల కాబోతుంది. ఈ సినిమా విడుదలైన తరువాత రామ్ ప్రేయసితో ఎంగేజ్మెంట్ జరగనుందట.
ఈ మేరకు అధికార ప్రకటన ఇవ్వనున్నట్లు సమాచారం. పెళ్లి కూడా ఈ ఏడాదిలోనే చేసుకోబోతున్నారని టాక్. ఇదిలా ఉండగా.. గతంలో రామ్ పెళ్లి గురించి ఇలానే వార్తలు రాగా.. వాటిపై ఆయన స్పందించారు. పెళ్లి అనేది మన చేతుల్లో ఉండదని.. జరగాల్సిన సమయంలో జరుగుతుందని అన్నారు. ఇప్పుడు ఆ సమయం వచ్చిందని అంటున్నారు ఫ్యాన్స్.
అయితే కొందరు మాత్రం ఇది నిజం కాకపోవచ్చని కొట్టిపారేస్తున్నారు. రామ్ పెళ్లి విషయంపై క్లారిటీ రావాలంటే అతడు స్పందించేవరకు వెయిట్ చేయాల్సిందే. ఇక సినిమాల విషయానికొస్తే.. రామ్ నటించిన ‘వారియర్’ తెలుగు, తమిళ భాషల్లో రిలీజ్ కి సిద్ధంగా ఉంది. లింగుస్వామి ఈ సినిమాను డైరెక్ట్ చేశారు. ఈ సినిమా తరువాత రామ్.. బోయపాటి శ్రీను దర్శకత్వంలో మరో సినిమా చేయబోతున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home