Hero Siddharth: వయసుపై హీరో సిద్ధార్థ్ కామెంట్స్.. ట్వీట్స్ వైరల్!

హీరోగా తెలుగులో ఎన్నో సినిమాలు చేసిన నటుడు సిద్ధార్థ్ ఆ తరువాత కోలీవుడ్ కు వెళ్లిపోయాడు. ఇప్పుడే తిరిగి మళ్లీ తెలుగులో సినిమాలుచేస్తున్నాడు . సిద్ధార్థ్ సోషల్ మీడియాలో చాలా యాక్టివ్ ఉంటాడు. సినిమాల గురించే కాకుండా సామాజిక అంశాలపై ఎప్పటికప్పుడు స్పందిస్తూ ఉంటారు. మొన్నామధ్య బీజేపీను టార్గెట్ చేస్తూ సిద్ధార్థ్ చేసిన ట్వీట్స్ సోషల్ మీడియాలో బాగా వైరల్ అయ్యాయి. ఈ విషయంలో సిద్ధార్థ్ పై దారుణమైన ట్రోలింగ్ జరిగింది. బెదిరింపులకు కూడా పాల్పడ్డారు. దీంతో సిద్ధార్థ్ పోలీసులను ఆశ్రయించాడు. తాజాగా సిద్ధార్థ్ మరో వివాదాస్పద ట్వీట్ చేశాడు.

వెంకటేష్ హీరోగా నటించిన ‘నారప్ప’ అనే సినిమా ప్రేక్షకుల ముందుకు రానున్న సంగతి తెలిసిందే. తాజాగా ఈ సినిమాకి సంబంధించిన ఓ పాటను విడుదల చేశారు. ఇందులో వెంకీకి జోడీగా అమ్ము అభిరామి నటించింది. వయసులో బాగా చిన్నదైన అభిరామికి జంటగా వెంకీ కనిపించడంతో.. వయసు ప్రధానంగా చేసుకొని సోషల్ మీడియాలో నారప్పని ట్రోల్ చేస్తున్నారు. కొందరు మాత్రం అది కేవలం సినిమా కోసమే అని ట్రోల్ చేయాల్సిన అవసరం లేదంటూ కామెంట్స్ చేస్తున్నారు. అయితే ఓ నెటిజన్ మాత్రం ఈ విషయంలో సిద్ధార్థ్ ను మధ్యలోకి లాగాడు.

నలభై ఏళ్లు పైబడిన సిద్ధార్థ్ తో ఇరవై ఏళ్ల హీరోయిన్లు నటిస్తే మాత్రం ప్రేమలు, ముద్దుల ఎమోజీలు.. ఇదెక్కడి లాజిక్కో అంటూ ట్వీట్ చేశాడు. దీనికి సిద్ధార్థ్ ను ట్యాగ్ చేశాడు. ఇది చోసిన సిద్ధార్థ్ ఘాటుగా స్పందించాడు. ”ఈ హీరోల వయస్సు టాపిక్‌లో ఫస్ట్ నేనే గుర్తొచ్చాను రా? ట్యాగ్ కూడా చేశావ్? సూపర్‌ రా దరిద్రమ్. ఎక్కడ్నుంచి వస్తార్రా మీలాంటోళ్లు?” అంటూ మండిపడ్డాడు. మరో నెటిజన్ ‘నువ్ ప్రకాష్ రాజ్ క్లాస్ మేట్స్ అంటగా’ అని మరో ట్వీట్ వేశాడు. దీనిపై రియాక్ట్ అవుతూ.. ”ఛా! అతను నా దత్తపుత్రుడు.. నేను మోహన్ బాబు గారు క్లాస్‌మేట్స్.. ముందు నిజాలు తెలుసుకో” అంటూ ట్విట్టర్ లో రాసుకొచ్చాడు. ప్రస్తుతం ఈ ట్వీట్లు వైరల్ అవుతున్నాయి.

Cha! Athanu naa adopted son. Nenu Mohan Babu garu classmates. Please get your facts straight.#Sodhi #Arachakam #ParisthithuluPrabhavam https://t.co/9W2y0NUCoK

— Siddharth (@Actor_Siddharth) July 16, 2021

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్