Sundeep Kishan: హాట్ టాపిక్ గా మారిన హీరో సందీప్ కిషన్ ఎమోషనల్ కామెంట్స్..!

సందీప్‌ కిషన్‌ ఎక్కువగా బ్లాక్ బస్టర్ సినిమాలు ఏమీ చేయలేదు. అలా అని కంప్లీట్ గా డిజాస్టర్ సినిమాలే ఇచ్చింది లేదు. అతను చేసే ప్రతి సినిమా యావరేజ్ టు ఎబౌవ్ యావరేజ్ అనే రేంజ్ లో ఆడుతుంటాయి. కానీ హిట్ మార్జిన్ దాటకపోతే ఆ హీరోలను ప్రేక్షకులు కాన్సెంట్రేట్ చేయరు. సందీప్ కు అదే మైనస్ అయ్యింది. అతని సినిమాలు యావరేజ్ అనే పదం దగ్గరే ఆగిపోవడంతో అతని మార్కెట్ బలపడలేదు అనేది వాస్తవం. అయితే ఈసారి స్ట్రాంగ్ హిట్ కొడతానని రంజిత్‌ జయకోడి దర్శకత్వంలో ‘మైఖేల్’ అనే సినిమా చేశాడు.

ఈ సినిమా ట్రైలర్, టీజర్ చూసాక సందీప్ కిషన్ ఈసారి పెద్ద హిట్టుకొట్టి ఫామ్లోకి వస్తాడు అని అంతా భావిస్తున్నారు. ప్రమోషనల్ కంటెంట్ చాలా ప్రామిసింగ్ గా ఉంది. పైగా సినిమాలో విజయ్‌ సేతుపతి, గౌతమ్ మీనన్, వరుణ్‌ సందేశ్‌, అనసూయ వంటి పెద్ద తారాగణం ఉంది. ఫిబ్రవరి 3న రిలీజ్ కాబోతున్న ఈ చిత్రం ప్రమోషన్లలో భాగంగా నిన్న ప్రీ రిలీజ్ వేడుకను ఏర్పాటు చేశారు మేకర్స్. ‘మైఖేల్’ ప్రీ రిలీజ్ వేడుకలో సందీప్ చాలా ఎమోషనల్ గా మాట్లాడాడు.

ముందుగా దర్శకుడు రంజిత్‌ జయకోడి తనకు దేవుడిచ్చిన గిఫ్ట్ అంటూ ఆకాశానికెత్తేశాడు. ‘చాలా సార్లు సందీప్ కెరీర్ అయిపోయింది అని అన్నారు. ఇక సందీప్ కి అవకాశాలు వస్తాయా అన్నారు. నేను కొన్ని చేయలేను అని చాలా మంది చాలా సార్లు అనుకున్నారు.. అన్నారు.అయితే నేనేదైతే చేయలేను అని అంతా అనుకున్నారో.. లేదా అన్నారో.. ఆ చేయలేను అనుకున్నదంతా ఈ సినిమాలో చేశాను.అంతేకాదు ఈ సినిమా కోసం ఎంత చెయ్యాలో అంతా చేశాను.

నా ప్రతి సినిమా ప్రీ రిలీజ్ ఈవెంట్ లో టెన్షన్ పడ్డాను. కానీ ఇప్పుడు ఆనందంగా ఉంది. 2019 లో ఈ మైఖేల్ టైటిల్ రిజిస్టర్ చేయించాను. అప్పట్నుంచి ఈ సినిమా నాకోసం కష్టపడ్డాను. నేను సినిమాలో అంతా చేశాను అంటే ఇదే నేను చేసే మ్యాగ్జిమమ్ అని కాదు. నన్ను కొంచెం నమ్మి మీ ప్రేమ చూపించండి ఇంతకు మించి బెస్ట్ ఇస్తాను’ అంటూ సందీప్ కిషన్ చెప్పుకొచ్చాడు.

2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!

షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?