Suriya, Prabhas: ప్రభాస్ గొప్పతనాన్ని వివరించిన సూర్య!

సూర్య తమిళంలో స్టార్ హీరోగా రాణిస్తున్నాడు. ఇతను అన్ని రకాల పాత్రలు, అని రకాల సినిమాలు చేస్తుంటాడు. తెలుగులో సూర్యకి మంచి మార్కెట్ ఉంది అన్న విషయం ప్రత్యేకంగా చెప్పనవసరం లేదు. పాత్రకి తగ్గట్టు కొత్త గెటప్ లో మారిపోతాడు సూర్య. ఎలాంటి పాత్ర అయినా సరే తన యాక్టింగ్ తో జీవం పోస్తుంటాడు. ‘ ఆకాశం నీ హద్దురా’ ‘జై భీమ్’ ‘విక్రమ్'(రోలెక్స్ పాత్ర) వంటి సినిమాలతో తన రేంజ్ ను మరింతగా పెంచుకున్నాడు.

నిజజీవితంలో కూడా సూర్య చాలా సోషల్ యాక్టివిటీస్ చేస్తుంటాడు. అంతేకాదు చాలా సింపుల్ గా ఉంటాడు. అందరితో ఫ్రెండ్లీగా ఉంటాడు. అందుకే అతను తెలుగు ప్రేక్షకులను మరింతగా ఆకర్షిస్తూ ఉంటాడు. ఇదిలా ఉండగా.. తాజాగా అతను ప్రభాస్ గురించి ఎవ్వరికీ తెలియని ఓ విషయాన్ని తెలిపి అందరినీ షాక్ కు గురిచేశాడు. ప్రభాస్ తోటి నటీనటులను ఎలా గౌరవిస్తాడో, ఎంత అభిమానిస్తాడో తెలిపాడు సూర్య. ఇటీవల సూర్య ఓ ఇంటర్వ్యూలో మాట్లాడుతూ..

“ఒకసారి నేను, ప్రభాస్.. హైదరాబాద్ లో ఒకే చోట షూటింగ్ చేశాం. అప్పుడు కలిసినప్పుడు.. డిన్నర్ కు కలిసి వెళ్దాం అన్నాడు. నా కోసం వెయిట్ చేస్తానని చెప్పాడు. అయితే ఆ రోజు నా సినిమా షూటింగ్ ఆలస్యమైంది. అది పూర్తి చేసుకుని వచ్చేసరికి రాత్రి 11:30 అయిపోయింది. దీంతో ప్రభాస్ ని ఇబ్బంది ఎందుకు.. ఏదైనా హోటల్, ప్రొడక్షన్ మెస్ లో తినేద్దాం అని మనసులో అనుకున్నాను.

తర్వాత ప్రభాస్ కు సారీ చెబుదాం అనుకున్నాను. కానీ నేను షూటింగ్ ఫినిష్ చేసి కారిడార్ లో నడుస్తున్నప్పుడు..ఎవరో పిలిచినట్టు అనిపించింది. తీరా చూస్తే అది ప్రభాస్. ‘సర్ నేను రెడీ.మీరు స్నానం చేసి వస్తే భోజనం చేద్దాం’ అన్నాడు. నేను షాకయ్యాను. రాత్రి అంత లేట్ అయినా నాకోసం వెయిట్ చేశారు. తన ఇంటి నుండి బిర్యానీ తెప్పించారు ప్రభాస్. వాళ్ళ అమ్మ గారు చేసిన బిర్యానీ చాలా బాగుంది” అంటూ సూర్య చెప్పుకొచ్చాడు.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..