Vikram, Rajamouli: రాజమౌళితో సినిమా అంటూ విక్రమ్ కామెంట్స్ వైరల్!

చియాన్ విక్రమ్.. అద్భుతమైన నటుడు. తెలుగులో ఆయన ఎన్నో సినిమాల్లో నటించినా ఈ విషయాన్ని మన ఫిలిం మేకర్స్ కనిపెట్టలేకపోయారు. కానీ తమిళంలో బాలా, శంకర్ లాంటి డైరెక్టర్లు అతనితోనే సంపూర్ణ నటుడిని బయటకి తీశారు. కమల్ హాసన్ తర్వాత.. ఆయన చేసినన్ని ప్రయోగాత్మక చిత్రాలు చేసింది విక్రమ్ మాత్రమే అని చెప్పడంలో ఎటువంటి సందేహం లేదు. జయాపజయాలతో సంబంధం లేకుండా.. తన మార్క్ నటనతోనే విక్రమ్ సినిమా రేంజ్ పెరుగుతూ ఉండటం మనం చూస్తూనే ఉన్నాం.

ఇదిలా ఉండగా.. విక్రమ్ హీరోగా తెరకెక్కిన మరో వినూత్నమైన చిత్రం ‘తంగలాన్’. ఇదొక పాన్ ఇండియా సినిమా. తాజాగా టీజర్ ను విడుదల చేశారు. ఈ టీజర్ చూశాక ‘మాటల్లేవ్..’ అనే డైలాగ్ చెప్పడం కరెక్టేమో అనిపిస్తుంది. అంతలా విజువల్స్ మెస్మరైజ్ చేశాయి. ‘ఓ పాము కాటేస్తున్నా సరే హీరో దానిని పట్టించుకోకుండా.. ఆ పాముని రెండు ముక్కలుగా చేసి పారేసే’ విజువల్ అయితే అంత ఈజీగా మైండ్లో నుండి పోదు.

ఇదిలా ఉండగా.. (Vikram) విక్రమ్ ‘తంగలాన్’ సినిమా టీజర్ లాంచ్ కోసం హైదరాబాద్ వచ్చారు. అలాగే మీడియాతో ఆయన ముచ్చటించడం కూడా జరిగింది. ఈ క్రమంలో ‘టాలీవుడ్ లో మళ్ళీ స్ట్రైట్ మూవీ ఎప్పుడు చేస్తారు.. ఏ దర్శకుడితో చేస్తారు?’ అనే ప్రశ్న అతనికి ఎదురైంది. ఈ క్రమంలో ‘విక్రమ్.. రాజమౌళి మూవీతో మొదలు పెడతా?’ అంటూ ఆసక్తికర సమాధానం ఇచ్చాడు. అయితే ఈ జవాబు వెనకాల చాలా కథే ఉంది అనే డిస్కషన్లు ఇప్పుడు ఫిలింనగర్లో ఊపందుకున్నాయి.

అవేంటి అంటే.. రాజమౌళి – మహేష్ బాబు కాంబినేషన్లో రూపొందనున్న మూవీలో ఓ సీనియర్ అవసరం అనే టాక్ చాలా కాలంగా వినిపిస్తుంది. మొదట్లో నాగార్జున ఈ పాత్ర చేస్తారేమో అనుకున్నారు.. ఇప్పుడు విక్రమ్ ఇలాంటి జవాబు ఇవ్వడంతో .. ఇతనే ఆ సినిమాలో భాగమయ్యే అవకాశం ఉందేమో అని అభిప్రాయపడుతున్నారు. మరో పక్క సురేందర్ రెడ్డితో విక్రమ్ ఓ సినిమా చేయబోతున్నట్టు టాక్ కూడా నడుస్తుంది.

‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!

‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!