Yash, Liger: లైగర్ కథ విని యశ్ అలాంటి కామెంట్లు చేశారా?

2022 సంవత్సరంలోని బిగ్గెస్ట్ డిజాస్టర్లలో లైగర్ మూవీ కూడా ఒకటనే సంగతి తెలిసిందే. ఈ సినిమా ఒక విధంగా పూరీ జగన్నాథ్ జీవితాన్ని మార్చేసిందని చెప్పవచ్చు. భారీ మొత్తానికి ఈ సినిమా హక్కులను కొనుగోలు చేసిన బయ్యర్లకు నష్టాలే మిగిలాయి. ఇస్మార్ట్ శంకర్ సినిమా సక్సెస్ తో పూరీ జగన్నాథ్ కు వచ్చిన క్రేజ్ ఈ సినిమాతో పోయింది. ఫస్ట్ వీకెండ్ వరకు చెప్పుకోదగ్గ స్థాయిలో కలెక్షన్లను సొంతం చేసుకున్న లైగర్ మూవీ వీకెండ్ తర్వాత కలెక్షన్ల విషయంలో డౌన్ అయింది.

అయితే ఈ సినిమాను రిజెక్ట్ చేసిన హీరోలలో యశ్ కూడా ఒకరని సమాచారం. పూరీ జగన్నాథ్ ఈ సినిమా కథను యశ్ కు వినిపించగా ఈ కథ విని యశ్ ఇంప్రెస్ కాలేదని బోగట్టా. ఆ తర్వాత పూరీ జగన్నాథ్ విజయ్ దేవరకొండను సంప్రదించడం జరిగింది. భారీ బడ్జెట్ తో తెరకెక్కిన లైగర్ మూవీ ప్రేక్షకుల అంచనాలను అందుకోలేక బాక్సాఫీస్ వద్ద డిజాస్టర్ గా నిలవడం గమనార్హం. విజయ్ దేవరకొండను కూడా ఈ సినిమాలో నటించవద్దని యశ్ సూచించారని తెలుస్తోంది.

లైగర్ సినిమా ఫ్లాప్ రిజల్ట్ ను అందుకోవడంతో పూరీ జగన్నాథ్ విజయ్ దేవరకొండ కాంబినేషన్ లో తెరకెక్కాల్సిన జనగణమన మూవీ కొంత భాగం షూటింగ్ ను పూర్తి చేసుకుని ఆగిపోయింది. మహేష్ బాబు రిజెక్ట్ చేసిన జనగణమన సినిమా మళ్లీ మధ్యలోనే ఆగిపోవడంతో అందరూ షాకయ్యారు. పూరీ జగన్నాథ్ తర్వాత ప్రాజెక్ట్ కు సంబంధించి పూర్తిస్థాయిలో స్పష్టత రావాల్సి ఉంది.

ప్రస్తుతం పూరీ జగన్నాథ్ ముంబైలో ఒక మూవీ కథను సిద్ధం చేస్తున్నారని బోగట్టా. ఈ కథలో నటించే హీరో ఎవరనే ప్రశ్నకు సమాధానం దొరకాల్సి ఉంది. పూరీ జగన్నాథ్ తర్వాత సినిమాకు స్టార్ హీరోలు గ్రీన్ సిగ్నల్ ఇవ్వడం సులువు కాదు. మెగాస్టార్ చిరంజీవి పూరీ జగన్నాథ్ కు ఛాన్స్ ఇస్తారని ప్రచారం జరుగుతుండగా ఈ ప్రచారంలో నిజానిజాలు తెలియాల్సి ఉంది. లైగర్ సినిమా ఫ్లాప్ తో పూరీ జగన్నాథ్ కు ఊహించని స్థాయిలో ఇబ్బందులు ఎదురవుతున్నాయి.

జిన్నా సినిమా రివ్యూ& రేటింగ్!

Most Recommended Video

ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!