విక్టరీ వెంకటేష్.. కత్రినా కైఫ్, ట్వింకిల్ ఖన్నా వంటి ఎంతోమంది బాలీవుడ్ హీరోయిన్స్ ని టాలీవుడ్ కి పరిచయం చేశారు. అలాగే ఎక్కువమంది బాలీవుడ్ బ్యూటీలు వెంకీ సరసన కలిసి నటించారు. ఆ జాబితాలో మరో పేరు యాడ్ కానుంది. గురు సినిమా తర్వాత విక్టరీ వెంకటేష్ .. తేజ దర్శకత్వంలో నటిస్తున్నారు. అనిల్ సుంకర, సురేష్ బాబు సంయుక్తంగా నిర్మిస్తున్న ఈ చిత్రం షూటింగ్ రీసెంట్ గా మొదలయింది. నేనే రాజు నేనే మంత్రి మూవీ తర్వాత తేజ డైరక్ట్ చేస్తున్న ఈ సినిమాకి ఆట నాదే వేట నాదే అనే పేరు పరిశీలిస్తున్నారు. ఇందులో హీరోయిన్ గా అనుష్క, కాజల్ పేర్లు వినిపించాయి. కానీ తాజా సమాచారం ప్రకారం ఈ సినిమాలో బాలీవుడ్ తార అదితిరావు ఫిక్స్ అయినట్లు తెలిసింది. గతంలో మణిరత్నం తీసిన చెలియా సినిమాతో వెలుగులోకి వచ్చిన అదితి… ప్రస్తుతం ఇంద్రగంటి మోహనకృష్ణ దర్శకత్వంలో సుధీర్ బాబు సరసన హీరోయిన్ గా నటిస్తోంది.
ఈరోజు నుంచి ఈ సినిమా రెగ్యులర్ షూటింగ్ కూడా మొదలైంది. వెంకీ మూవీ ఓకే అయితే అదితి రావుకు ఇది రెండో తెలుగు సినిమా అవుతుంది. ఈ సినిమాలో ఓ కీలక రోల్లో డాక్టర్ రాజశేఖర్ నటించబోతున్నట్టు వార్తలు వినిపిస్తున్నాయి. అలాగే రానా, నాగ చైతన్య లు గెస్ట్ రోల్ చేస్తారని ఫిలిం నగర్ వాసులు చెప్పుకుంటున్నారు. ఈ విషయాలపై చిత్ర బృందం అధికారికంగా ప్రకటన చేయాల్సి ఉంది. మొత్త 60 రోజుల్లో షూటింగ్ కంప్లీట్ చేయాలనీ తేజ పక్క ప్లాన్ తో రంగంలోకి దిగారు.
