స్టార్ హీరో బాలకృష్ణ ప్రస్తుతం గోపీచంద్ మలినేని డైరెక్షన్ లో ఒక సినిమాలో నటిస్తున్నారు. ఇంకా టైటిల్ ఫిక్స్ కాని ఈ సినిమాకు బిజినెస్ ఆఫర్లు బాగానే వస్తున్నాయని సమాచారం అందుతోంది. సాధారణంగా బాలకృష్ణ సినిమాలలో ఐటమ్ సాంగ్స్, స్పెషల్ సాంగ్స్ ఉండటం అరుదుగా జరుగుతుంది. అయితే బాలయ్య గోపీచంద్ కాంబో మూవీలో ఐటమ్ సాంగ్ ఉండగా ఈ సాంగ్ కు డింపుల్ హయాతి ఓకే చెప్పిందని వార్తలు ప్రచారంలోకి వచ్చాయి.
కానీ వాస్తవం మాత్రం మరో విధంగా ఉందని తెలుస్తోంది. గతంలో పలు సినిమాలలో స్పెషల్ సాంగ్స్ చేసిన డింపుల్ హయాతికి ఈ ఏడాది విడుదలైన ఖిలాడి సినిమా ఫలితం షాకిచ్చినా హీరోయిన్ గా ఆమె చేతిలో చెప్పుకోదగ్గ స్థాయిలో ఆఫర్లు ఉన్నాయి. బాలయ్య డింపుల్ హయాతిని ఐటమ్ సాంగ్ కు తీసుకోవాలని దర్శకుడికి సూచించగా డింపుల్ హయాతి మాత్రం సున్నితంగా ఆ ఆఫర్ ను తిరస్కరించిందని బోగట్టా. హీరోయిన్ రోల్స్,
మంచి రోల్స్ చెయ్యడానికి తనకు అభ్యంతరం లేదని అయితే ఐటమ్ సాంగ్స్ మాత్రం అస్సలు చెయ్యనని ఆమె తేల్చి చెప్పినట్టు తెలుస్తోంది. ప్రస్తుతం గోపీచంద్ ఈ సాంగ్ కోసం మరో హీరోయిన్ ను వెతికే పనిలో బిజీగా ఉన్నారని సమాచారం. ఈ సినిమాలో స్పెషల్ సాంగ్ చేయడానికి ఏ హీరోయిన్ గ్రీన్ సిగ్నల్ ఇస్తుందో చూడాల్సి ఉంది. డింపుల్ కెరీర్ విషయంలో ఆచితూచి అడుగులు వేస్తున్నారు.
అయితే బాలయ్య సినిమాకు నో చెప్పాలని డింపుల్ తీసుకున్న నిర్ణయం మాత్రం సరైన నిర్ణయం కాదని కామెంట్లు వినిపిస్తున్నాయి. గోపీచంద్ మలినేని నిజ జీవిత పాత్రలతో ఈ సినిమాను తెరకెక్కిస్తున్నారని తెలుస్తోంది. బాలయ్య ఈ సినిమాలో రెండు పాత్రల్లో నటిస్తున్నారని అయితే సినిమాలో ఒక పాత్ర చనిపోతుందని బోగట్టా. త్వరలో ఈ సినిమా రిలీజ్ డేట్ కు సంబంధించి క్లారిటీ రానుంది.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
