ఎన్టీఆర్, త్రివిక్రమ్ సినిమాలో హీరోయిన్ ఆమె కాదు.. అను కాదు

మాటల మాంత్రికుడు త్రివిక్రమ శ్రీనివాస్ దర్శకత్వంలో ఎన్టీఆర్ నటించనున్న సినిమా లాంఛనంగా ప్రారంభమైనప్పటి నుంచి.. చిత్రం గురించి అనేక వార్తలు వచ్చాయి. వాటిలో ప్రధానమైంది హీరోయిన్. ఎన్టీఆర్ 28 సినిమాలో హీరోయిన్ గా అను ఇమ్మాన్యుయేల్ ని ఫిక్స్ చేసినట్లు వార్తలు వినిపించాయి. అజ్ఞాతవాసి లో నటనకు మెచ్చుకొని ఇందులోను త్రివిక్రమ్ ఛాన్స్ ఇచ్చినట్లు గాసిప్ నడిచింది. అలాగే కొంతమంది దువ్వాడ జగన్నాథం లో పూజా హెగ్డే ని చూసిన ఎన్టీఆర్ ఆమెనే సూచించినట్లు., డైరక్టర్ ఆమెనే తీసుకున్నట్లు కొన్ని రోజులుగా రూమర్ షికారు చేసింది. అయితే పూజ హెగ్దే లేదు.. అను ఇమ్యానుయేల్ లేదు అని తెలిసింది.

హీరోయిన్ విషయంలో ఎన్టీఆర్ జోక్యమే లేదని ఫిలిం నగర్ వాసులు వెల్లడించారు. అసలు హీరోయిన్ విషయాన్నీ పక్కన పెట్టి.. షూటింగ్ మొదలు పెట్టె ఆలోచనలో త్రివిక్రమ్ ఉన్నట్లు తెలిపారు. అజ్ఞాతవాసి జనవరి 10 న రిలీజ్ కానుంది. ఆ తర్వాత ఎన్టీఆర్ మూవీ స్క్రిప్ట్ ని ఓ కొలిక్కి తెచ్చి.. జనవరి నుంచే చిత్రీకరణ ప్రారంభించేందుకు అన్ని ఏర్పాట్లు చేస్తున్నట్టు సమాచారం. హారిక అండ్ హాసిని బ్యానర్లో రాధాకృష్ణ నిర్మించనున్న ఈ చిత్రంలో ఎన్టీఆర్ కొత్తగా కనిపించడానికి బరువు తగ్గే పనిలో ఉన్నారు.