హీరోయిన్‌తో ఓ సినిమా చేశాక, ఆటోమేటిగ్గా మరో సినిమా చేయాలని అనిపించడం సహజం. ఇప్పుడు ఇదే సహజమైన కాన్సెప్ట్‌తోనే రెండో సినిమా అవకాశం ఇస్తున్నారా దర్శకుడు సందీప్‌ రెడ్డి వంగా. అవుననే అంటున్నాయి టాలీవుడ్‌ వర్గాలు. దీనిపై త్వరలో క్లారిటీ కూడా ఇచ్చేస్తారు అని చెబుతున్నారు. దీంతో రష్మిక ‘యానిమల్‌’ టు ‘స్పిరిట్’ అని చెబుతున్నారు. అవును ప్రభాస్ స్పిరిట్‌లో రష్మిక నటించబోతోంది అనేది టాక్. జయాపజయాలతో సంబంధం లేకుండా పాన్‌ ఇండియా హీరోయిన్‌గా జోరు మీదుంది రష్మిక మందనా.
‘పుష్ప’ సినిమా తెచ్చిన క్రేజ్‌తో బాలీవుడ్‌లో అవకాశాలు సంపాదిస్తోంది. అలా రణ్‌బీర్‌ కపూర్‌ ‘యానిమల్‌’లో కథానాయికగా ఎంపికైంది. ఇటీవల ఈ సినిమా షూటింగ్‌లో కశ్మీర్‌లో మొదలైంది. హీరో – హీరోయిన్లపై కీలక సన్నివేశాలు తెరకెక్కించారు. ఈ క్రమంలో రష్మిక నటనకు ముగ్ధుడైపోయిన దర్శకుడు సందీప్‌ రెడ్డి వంగా… తన తర్వాతి సినిమాలోనూ ఆమెనే హీరోయిన్‌గా తీసుకోవాలని ఫిక్స్‌ అయ్యారట. సందీప్‌ తర్వాతి సినిమా అంటే ప్రభాస్ సినిమానే. అదేనండి ఆ మధ్య అనౌన్స్‌ చేశారుగా ‘స్పిరిట్’.
ఆ సినిమాలో ప్రభాస్ సరసన రష్మికను తీసుకోవాలని అనుకుంటున్నాడట. మరి ఈ విషయంలో ఓసారి డిస్కషన్స్‌ అన్నీ పూర్తి చేసుకున్నాక అఫీషియల్‌గా అనౌన్స్‌ చేస్తారట. ఈ లోపు దీనిని పుకారుగా మాత్రమే మనం చూడాలన్నమాట. ఇటీవల త‌మిళ సూప‌ర్ స్టార్ విజ‌య్‌తో సినిమా ప్రారంభించింది రష్మిక. ఇప్పుడు ప్రభాస్ సినిమా అంటున్నారు. ఏదైనా ఆమె జోరు మామూలుగా లేదు. ప్ర‌స్తుతం ప్రభాస్ ‘సలార్‌’ పనులు స్టార్ట్‌ చేసే మూడ్‌లో ఉన్నారు.
‘కేజీయఫ్‌ 2’ పనులు పూర్తి చేసి ప్రశాంత్‌ నీల్‌ ఫ్రీ అయ్యారు. దీంతో త్వరలో ‘సలార్‌’ స్టార్ట్‌ అంటున్నారు. ఆ లెక్కన ఈ ఏడాది చివ‌ర్లో ‘స్పిరిట్’ సెట్స్‌పైకి వెళ్లే అవకాశం ఉందని సమాచారం. ఈ సినిమాతోపాటు ‘ప్రాజెక్ట్‌ కె’ పనులు పారలల్‌గా సాగుతాయట. ఆ సినిమా స్పాన్‌, బడ్జెట్‌, కథ అన్నీ పెద్దవి కావడంతో చాలా రోజులు షూటింగ్‌ జరుగుతుందట.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
Home