సీనియర్ స్టార్ హీరోలలో ఒకరైన బాలకృష్ణ అఖండ సినిమా తరువాత వేగంగా సినిమాలను పూర్తి చేయాలని భావిస్తున్న సంగతి తెలిసిందే. అఖండ సినిమాకు హీరోయిన్ల సమస్య ఎదురు కాగా బోయపాటి శ్రీను ప్రేక్షకుల్లో పెద్దగా గుర్తింపు లేని ప్రగ్యా జైస్వాల్, పూర్ణలను ఈ సినిమాలో హీరోయిన్లుగా ఫైనలైజ్ చేశారు. గోపీచంద్ మలినేని బాలకృష్ణ కాంబినేషన్ లో ఒక సినిమా తెరకెక్కనుండగా ఈ సినిమాకు కూడా హీరోయిన్ల సమస్య ఎదురవుతోంది. దర్శకుడు గోపీచంద్ మలినేని ఈ సినిమాలో ఇద్దరు హీరోయిన్లను పెట్టాలని భావిస్తుండగా ఇప్పటివరకు ఒక్క హీరోయిన్ కూడా ఫైనల్ కాలేదని తెలుస్తోంది.
క్రాక్ సినిమాతో భారీ బ్లాక్ బస్టర్ హిట్ సాధించిన గోపీచంద్ మలినేని బాలకృష్ణ కోసం పవర్ ఫుల్ కథను సిద్ధం చేశారని సమాచారం. గోపీచంద్ మలినేని శృతిహాసన్, తమన్నాను సంప్రదించినట్టు వార్తలు వస్తున్నా ఆ హీరోయిన్ల నుంచి గ్రీన్ సిగ్నల్ వచ్చినట్టు ప్రకటన రాలేదు. ఆగష్టు లేదా సెప్టెంబర్ నుంచి గోపీచంద్ బాలయ్య కాంబో మూవీ షూటింగ్ మొదలుకానుంది. గోపీచంద్ మలినేని బాలకృష్ణను ఎలా చూపిస్తారో తెలియాల్సి ఉంది. ఈ సినిమా పూర్తైన వెంటనే బాలయ్య అనిల్ రావిపూడి డైరెక్షన్ లో ఒక సినిమాలో నటిస్తారని సమాచారం.
మైత్రీ మూవీ మేకర్స్ బ్యానర్ పై బాలయ్య గోపీచంద్ మలినేని కాంబో సినిమా తెరకెక్కనుండటం గమనార్హం. మైత్రీ మూవీ మేకర్స్ భారీ బడ్జెట్ తో ఈ సినిమాను తెరకెక్కించనుందని తెలుస్తోంది. ఈ సినిమాలో నటించే ఇతర నటీనటుల వివరాలు తెలియాల్సి ఉంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home