Balayya Babu: బాలయ్య – బాబి హీరోయిన్లు వీళ్లేనా? త్వరలోనే క్లారిటీ!

ఓ సినిమా షూటింగ్‌లో ఉండగానే.. మరో సినిమా పట్టాలెక్కించే స్టార్‌ హీరోల్లో నందమూరి బాలకృష్ణ ఒకరు. ప్రస్తుతం ‘భగవంత్‌ కేసరి’ చిత్రీకరణ జరుగుతుండగా.. ఆయన బాబి దర్శకత్వంలో ఓ సినిమాను పచ్చ జెండా ఊపారు. ఆ సినిమా ముహూర్తం కూడా జరుపుకుంది. త్వరలోనే సినిమా రెగ్యులర్‌ షూటింగ్‌ ఫుల్‌ స్వింగ్‌లో ఉంటుంది అంటున్నారు. ఈ నేపథ్యంలో సినిమాలో ప్రధాన నటీనటుల ఎంపిక వేగంగా సాగుతోంది. అందులో భాగంగా హీరోయిన్ల ఎంపిక పూర్తయింది అంటున్నారు. హీరోయిన్ల అంటున్నాం కాబట్టి ఈ సినిమాలో ఇద్దరు నాయికలు ఫిక్స్‌ అని మీకు అర్థమైపోయుంటుంది.

ఈ సినిమాలో ఓ నాయికగా నయనతార నటిస్తోందని గత కొన్ని రోజులుగా వార్తలొస్తున్నాయి. ఈ మేరకు ఆమె నుండి కన్‌ఫర్మేషన్‌ కూడా తీసుకున్నారట. గతంలో (Balayya Babu) బాలయ్యతో మూడు సినిమాలు చేసిన నయన్‌.. మూడింటిలోనూ మంచి పేరు తెచ్చుకుంది. ఇప్పుడు ఈ సినిమాతో సెకండ్‌ హ్యాట్రిక్‌కి శ్రీకారం కొట్టబోతున్నారట. ఇక మరో హీరోయిన్‌ కోసం వెతుకులాట జరుగుతోందట. దీని కోసం ఇద్దరు నాయికల పేర్లు పరిశీలనలోకి తీసుకున్నారట. అందులో ఒకరు చాలా రోజులుగా టాలీవుడ్‌లోని రకుల్‌ ప్రీత్‌ సింగ్‌ అయితే, మరో హీరోయిన్‌ సంయుక్త అంటున్నారు.

ఈ ఇద్దరిలో ఒకరిని రెండో హీరోయిన్‌గా ఎంపిక చేస్తారు అని సమాచారం. ఇప్పటికే రకుల్‌ బాలయ్యతో ఓ సినిమాలో నటించిన విషయం తెలిసిందే. నందమూరి తారక రామారావు జీవితం ఆధారంగా తెరకెక్కిన ‘యన్టీఆర్‌ : కథానాయకుడు’ సినిమాలో ఆమె శ్రీదేవి పాత్రలో కనిపించింది. ఇప్పుడు ఈ సినిమాలో నటిస్తే రెండో సినిమా అవుతుంది. అయితే ఇందాక చెప్పినట్లు రకుల్‌ ఇప్పుడు తెలుగు సినిమాలు చేయడం లేదు.

కాబట్టి ఈ సినిమా ఓకే చేస్తుందో లేదో చూడాలి. ఇక సంయుక్త సంగతికొస్తే ఆమె యువ హీరోలకు ఓటేస్తోంది అంటున్నారు. ఈ లెక్కన బాలయ్య కొత్త సినిమాకు హీరోయిన్లు దాదాపు ఓకే అయినా.. ఎక్కడో చిన్న క్లారిటీ మిస్‌ ఉంది. నయనతార విషయంలో మాత్రమే స్పష్టత ఉందని చెప్పొచ్చు. ఒకట్రెండు రోజుల్లో ఈ విషయంలో అఫీషియల్‌ అనౌన్స్‌మెంట్‌ ఇస్తారు అని చెబుతున్నారు.

అశ్విన్స్ సినిమా రివ్యూ & రేటింగ్!

ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!