చాలాకాలంగా సరైన హిట్ లేక ఇబ్బందిపడుతున్న కామెడీ హీరోలు అల్లరి నరేష్, సునీల్ కలిసి ఒక సినిమాలో నటించనున్న విషయం తెలిసిందే. భీమినేని శ్రీనివాసరావు దర్శకత్వంలో తెరకక్కనున్న ఈ చిత్రంలో ఒక హీరోయిన్ గా ఆల్రెడీ “మోసగాళ్లకు మోసగాడు” ఫేమ్ నందిని రాయ్ ని కథానాయికగా ఎంపిక చేయగా.. ఇప్పుడు మరో కథానాయికగా “మా అబ్బాయి, రంగుల రాట్నం” ఫేమ్ చిత్రా శుక్లాను ఫైనల్ చేశారట. వీరిద్దరీ ఎవరు ఎవరి సరసన నటిస్తున్నారు అనే విషయంలో ప్రస్తుతం క్లారిటీ లేకపోయినప్పటికీ.. త్వరలోనే వీరిద్దరూ రెగ్యులర్ షూట్ లో పాల్గొంటారు.
“సుడిగాడు” అనంతరం మరో హిట్ లేని అల్లరి నరేష్, “పూలరంగడు” తర్వాత ఇంకో హిట్ చవిచూడని సునీల్ ఇద్దరూ కలిసి నటిస్తున్న సినిమా అవ్వడమే కాక “స్పీడున్నోడు” చిత్రంతో దర్శకుడిగా పరాజయాన్ని మూటగట్టుకొన్న భీమనేని శ్రీనివాస్ ల కలయికలో వస్తున్న సినిమా కావడంతో ఈ చిత్రంపై ప్రేక్షకుల్లో పెద్దగా అంచనాలు లేకున్నా ముగ్గురూ కలిసి కష్టపడి మంచి విజయం సాధించాలని మాత్రం గట్టిగా అనుకొంటున్నారు. చూద్దాం.. వారి ఆలోచన ఏమేరకు సత్ఫలితాన్నిస్తుందో.
