టాలీవుడ్ లో రౌడీ స్టార్ గా పేరు సంపాదించుకున్న విజయ్ దేవరకొండ ఇప్పుడు లైగర్ గా మారాడు. సాలా పక్కా క్రాస్ బ్రీడ్ అనే టైటిల్ ట్యాగ్ లైన్ తో రెచ్చిపోతున్నాడు. రీసంట్ గా విడుదల అయిన విజయ్ పోస్టర్ సోషల్ మీడియాలో హల్ చల్ చేస్తోంది. పూరీ జగన్ డైరెక్షన్ లో వస్తున్న ఈసినిమాపై ఫ్యాన్స్ ఎన్నో ఆశలు పెట్టుకున్నారు. లాస్ట్ ఇయర్ వాలెంటైన్స్ డే కి వచ్చిన వరల్డ్ ఫేమస్ లవర్ విజయ్ ఫ్యాన్స్ ని నిరాశపర్చింది. అందుకే ఇప్పుడు ఆకలి మీద ఉన్న పులిగా, కసిగా కనిపిస్తున్నాడు విజయ్. అందులోనూ మాస్ యాక్షన్ డైరెక్టర్ పూరీ జగన్ చేతిలో పడటంతో వీరిద్దరి క్రేజీ కాంబోపై అంచనాలు రోజు రోజుకీ పెరిగిపోతున్నాయి.
మాస్ డైలాగ్స్ రాయడంలో పూరీకి సపరేట్ మార్క్ ఉంది. దాన్ని పలకడంలో విజయ్ కి సపరేట్ డిక్షన్ ఉంది. అందుకే వీరిద్దరి సినిమా పక్కా హిట్ రాస్కోండి అంటూ ముందుగానే చెప్పేస్తున్నారు సినీ లవర్స్. అయితే ఇప్పుడు ఈ సినిమా సమ్మర్ రేసు నుంచి కూడా తప్పుకుంది. సెప్టెంబర్ కి విడుదల కాబోతోంది. సెప్టెంబర్ 10 న వినాయకచవితి పర్వదినం. ఈ పండగ కానుకగా లైగర్ సినిమాని 9వ తేదీన విడుదల చేస్తున్నారు. ప్యాన్ ఇండియా సినిమాగా రాబోతున్న లైగర్ లో విజయ్ దేవరొకండ బాక్సర్ గా కనిపిస్తున్న సంగతి తెలిసిందే. అంతేకాదు, కరణ్ జోహార్ నేతృత్వంలో ఈ సినిమా బాలీవుడ్ లో భారీ రిలీజ్ కి ప్లాన్ చేశారు.
అక్కడ విజయ్ తన మార్కెట్ ని క్రియేట్ చేస్తే సినిమాకి తిరుగుండదు. బాలీవుడ్ భామ అనన్య పాండేని అందుకే హీరోయిన్ గా కూడా తీస్కున్నారు. ఇక ఇప్పుడు రీసంట్ గా విడుదల అయిన పోస్టర్ ఫ్యాన్స్ కి మంచి కిక్ ఇస్తుందనే చెప్పాలి. గతకొన్నాళ్లుగా సరైన సక్సెస్ లేని విజయ్ దేవరకొండ దమ్మంతా ఆ పోస్టర్లోనే ఉందని అభిమానులు సంబరపడుతున్నారు. ఆ బాక్సర్ కి తల్లిగా హీరోయిన్ రమ్యకృష్ణ కనిపించబోతోంది. మరి చూద్దాం.. లైగర్ గా మన క్రాస్ బ్రీడ్ ఎలాంటి హిట్ కొడతాడు అనేది.
Most Recommended Video
వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!
