ఆచార్య లో అదే హైలెట్..!

మెగాస్టార్ చిరంజీవి కొరటాల శివ కాంబినేషన్ లో వస్తున్న సినిమా ఆచార్య. ప్రస్తుతం ఈ సినిమా టీజర్ యూట్యూబ్ ని షేక్ చేస్తోంది. రిలీజై రోజులు గడుస్తున్నా ట్రెండింగ్ లో దూసుకుపోతోంది ఈ టీజర్. అంతేకాదు, ఈ టీజర్ లో మెగాస్టార్ చేసిన స్టంట్ ని హైలెట్ గా చూపించాడు కొరటాలశివ. ఎర్ర కండువా వేసుకుని, పదునైన చూపులతో, ఎదురులేని మాటలతో ఆకట్టుకుంటున్నాడు ఆచార్య. మరి అసలు ఈ ఆచార్య ఎవరు..? ఎందుకు సేవియర్ గా మారాడు అనేది చాలా ఆసక్తిగా ఉండబోతోందని అంటోంది మూవీ టీమ్.

ఆచార్య సినిమాలో ఇంటర్వెల్ బ్యాంగ్ అద్దిరిపోయేలా ఉంటుందట. హీరో రామ్ చరణ్ ఇంట్రడక్షన్ కూడా అప్పుడే ఉంటుందని, ఈ సీక్వెన్స్ సినిమాకే హైలెట్ గా ఉంటోందని అంటున్నారు. చిరంజీవిని మోటివేట్ చేసేలా సిద్ధ అనే క్యారెక్టర్ లో రామ్ చరణ్ అద్భుతంగా స్క్రీన్ పైన కనిపిస్తాడని, పాత్ర నిడివి చాలా కొద్దిసేపే ఉన్నా ఫ్యాన్స్ విజిల్స్ కొట్టేలా ఉంటుందని టాక్. ఇక ఈ ఆచార్య ఫ్లాష్ బ్యాక్ కూడా చాలా ఇంట్రస్టింగ్ గా ఉండబోతోందని మూవీ టీమ్ చెప్తోంది.

అదే సినిమాకి హైలెట్ అవుతుందని, ఆచార్య అసలు ఇలా ఎందుకు మారాడు..? ఎందుకు సమాజానికి దూరంగా బ్రతకాల్సి వచ్చింది అనేది కథలో భాగంగా ఉంటుంది. ఈ కథే వేరు.. అంటూ చెప్తోంది మూవీటీమ్. అన్ని కమర్షియల్ హంగులతో ఈ సిినిమా మే 13వ తేదిన విడుదల కాబోతున్న సంగతి తెలిసిందే. మణిశర్మ ఇచ్చిన మ్యూజిక్, మెగాస్టర్ వేసే స్టెప్స్ అద్దిరిపోతాయని, సమ్మర్ లో మెగా ఫ్యాన్స్ కి పండగే అని అంటున్నారు. అదీ విషయం.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!