పవన్ స్టార్ పవన్ కళ్యాణ్ ‘వకీల్ సాబ్’ సినిమాతో రీఎంట్రీ ఇవ్వనున్న సంగతి తెలిసిందే. ఇప్పటికే షూటింగ్ పూర్తి చేసుకున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. సమ్మర్ రేసులో ఈ సినిమాను రిలీజ్ చేయాలని చూస్తున్నారు. ఇదిలా ఉండగా.. సంక్రాంతి కానుకగా జనవరి 14న సాయంత్రం ఈ సినిమా టీజర్ ని రిలీజ్ చేయబోతుంది చిత్రబృందం. అయితే ఈ టీజర్ ఎలా వుండబోతుందనే విషయంపై కొన్ని ఆసక్తికర విశేషాలు ఇండస్ట్రీలో వినిపిస్తున్నాయి. అందుతున్న సమాచారం ప్రకారం.. టీజర్ లో మెట్రో రైలులో హీరో ఫైట్ సీన్ ఉంటుందట.
ఆ సమయంలో ‘కోర్టులో కోటు వేసుకుని వాదించగలను, కోర్టు బయట కోటు తీసి వాయించగలను’ అనే డైలాగ్స్ పవన్ చెప్పడం హైలైట్ ఉంటుందని చెబుతున్నారు. టీజర్ చివరలో ఓ వ్యానులో తన సామాను అంతా వేసుకొని పవన్ కళ్యాణ్ పడుకొని వెళ్తున్న సీన్ ఉంటుందని సమాచారం. ఆ సన్నివేశాన్ని గతంలో ఫస్ట్ లుక్ మాదిరిగా వదిలారు. ఇదిలా ఉండగా.. ‘వకీల్ సాబ్’ సినిమాలో మూడుకు పైగా యాక్షన్ సీన్స్ ఉన్నాయని తెలుస్తోంది.
సినిమా ఓపెనింగ్ షాట్ నే ఫైట్ తో హీరో ఇంట్రడక్షన్ సీన్ ఉంటుందని సమాచారం. కాలనీలో అందరూ ఇళ్లు ఖాళీ చేస్తూ ఉంటే హీరో మాత్రం చేయకుండా బుక్ చదువుతూ ఉంటాడట. అప్పుడు రౌడీ ఆ బుక్ ని లాక్కొని విసిరేస్తాడట. దీంతో హీరో అతడిని కొట్టే షాట్ తో పరిచయ సన్నివేశాలు ఉంటాయని తెలుస్తోంది. వేణుశ్రీరామ్ డైరెక్ట్ చేస్తోన్న ఈ సినిమాలో శృతిహాసన్ హీరోయిన్ గా నటిస్తోంది. దిల్ రాజు, బోణీకపూర్ సంయుక్తంగా ఈ సినిమాను రూపొందిస్తున్నారు.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
Home