ఉప్పెన దర్శకుడు ప్రతి ఒక్కరినీ కంటతడి పెట్టిస్తాడట

ఉప్పెన సినిమాతో మరో మెగా వారసుడు వెండితెరకు పరిచయం అవుతున్నారు. ఇప్పటికే హీరోగా ఎస్టాబ్లిష్ అయిన చిరంజీవి మేనల్లుడు సాయి ధరమ్ తేజ్ తమ్ముడు వైష్ణవ్ తేజ్ ఈ చిత్రంతో హీరోగా ఎంట్రీ ఇస్తున్నారు. టాలెంటెడ్ డైరెక్టర్ సుకుమార్ శిష్యుడు బుచ్చి బాబు సానా ఈ చిత్రానికి దర్శకుడిగా వ్యవహరిస్తుండగా సినిమా పై భారీ అంచనాలున్నాయి. ఇక ఈ మూవీలో విలన్ గా తమిళ్ హీరో విజయ్ సేతుపతి నటించడం విశేషం. ఆయన రాయణం అనే ఊరిపెద్ద పాత్ర చేస్తున్నారు. కొద్దిరోజుల క్రితం విడుదలైన ఆయన లుక్ మంచి రెస్పాన్స్ దక్కించుకుంది.

పేద ధనిక వర్గానికి చెందిన ఓ జంట మధ్య నడిచే సున్నితమైన ప్రేమ కథగా ఉప్పెన తెరకెక్కుతుండగా, ఎమోషన్స్ ఈ చిత్రంలో హైలెట్ గా నిలుస్తాయట. ముఖ్యంగా పతాక సన్నివేశాలలో హీరో మరియు హీరోయిన్ మధ్య నడిచే ఎమోషనల్ సన్నివేశాలు సినిమాకు ప్రధాన ఆకర్షణ అని తెలుస్తుంది. ఉప్పెన సినిమాలో హీరోయిన్ గా కృతి శెట్టి నటిస్తుంది. విడుదలైన సాంగ్స్ మరియు ప్రోమోలలో ఆమె లుక్స్ చాల క్యూట్ అండ్ మెస్మెరైజింగ్ గా ఉన్నాయి. మైత్రి మూవీ మేకర్స్ నిర్మిస్తున్న ఈ చిత్రానికి సంగీతం దేవిశ్రీ అందిస్తున్నారు. ఉప్పెన ఏప్రిల్ 2న విడుదల కానుంది.

Most Recommended Video

యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!