Tollywood: ఈ డైరెక్టర్స్ – హీరోయిన్స్ కాంబినేషన్ ఎన్నోసారి రిపీట్ అవుతుందంటే..?

March 29, 2023 / 12:02 AM ISTByFilmy Focus

Join Us

Tollywood: ఈ డైరెక్టర్స్ – హీరోయిన్స్ కాంబినేషన్ ఎన్నోసారి రిపీట్ అవుతుందంటే..?

సినిమా ఇండస్ట్రీలో (Tollywood) కాంబినేషన్ రిపీట్ అవడం అనేది కామన్.. ఒకసారి కలిసి పనిచేసిన హీరో, డైరెక్టర్, హీరో, హీరోయిన్లు మళ్లీ కలిసి వర్క్ చేయడం ఒక లెక్క అయితే.. ఆల్ రెడీ హిట్ కొట్టిన కాంబినేషన్ రిపీట్ అవడమనేది మరో లెక్క.. ఆ క్రేజ్‌ని బట్టి అంచనాలు పెరిగిపోవడం.. భారీగా బిజినెస్ జరగడం ఈజీగానే అవుతుంది.. ఇప్పుడలానే సూపర్ హిట్స్ కొట్టిన డైరెక్టర్స్ – హీరోయిన్ల కాంబినేషన్స్ రిపీట్ అవుతున్నాయి.. ఆ వివరాలు చూద్దాం..

అట్లీ – నయనతార..

కోలీవుడ్ యంగ్ అండ్ టాలెంటెడ్ డైరెక్టర్ అట్లీ ‘రాజా రాణి’ (2013) మూవీతో దర్శకుడిగా పరిచయమయ్యాడు.. అప్పటికే నయనతార స్టార్ హీరోయిన్.. కథ మీద నమ్మకంతో కొత్త దర్శకుడికి ఓకే చెప్పారామె.. సినిమా సూపర్ హిట్.. తర్వాత ‘బిగిల్’ (2019) లోనూ నయన్‌నే కథానాయికగా తీసుకున్నాడు.. మళ్లీ సూపర్ హిట్.. దీంతో అట్లీ స్టార్ డైరెక్టర్ అయిపోయాడు.. ఈసారి తనతో పాటు నయనతారని కూడా బాలీవుడ్‌కి తీసుకెళ్తున్నాడు.. కింగ్ ఖాన్ షారుఖ్ ఖాన్ ‘జవాన్’ సినిమాతో డైరెక్టర్‌గా అట్లీ, హీరోయిన్‌గా నయన్ హిందీలోకి ఎంట్రీ ఇస్తున్నారు.. వీరి కలయికలో ఇది 3వ సినిమా..

త్రివిక్రమ్ – పూజా హెగ్డే..

త్రివిక్రమ్ దర్శకత్వంలో ‘అరవింద సమేత’ లో ఫస్ట్ టైం యాక్ట్ చేసింది సొట్ట బుగ్గల సుందరి పూజా హెగ్డే.. అరవింద పాత్రలో ఆకట్టుకుంది.. తర్వాత ‘అల వైకుంఠపురములో’ మూవీలోనూ ఛాన్స్ ఇచ్చాడు.. రెండూ ఒకదాన్ని మించి మరోటి సూపర్ హిట్స్ అయ్యాయి.. దీంతో ముచ్చటగా మూడోసారి సూపర్ స్టార్ మహేష్ బాబు SSMB 28లోనూ అవకాశమిచ్చాడు.. వీరి ముగ్గురి కాంబోలో ఇది మూడో సినిమా కావడం విశేషం..

వెంకీ కుడుముల – రష్మిక మందన్న..

తాను దర్శకుడిగా పరిచయమైన ‘ఛలో’ తో కన్నడ బ్యూటీ రష్మికని టాలీవుడ్‌కి తీసుకొచ్చాడు వెంకీ కుడుముల.. ఫస్ట్ ఫిలిం ఇద్దరికీ మంచి పేరు తెచ్చింది.. సెకండ్ సినిమా ‘భీష్మ’ లోనూ తన లక్కీ హీరోయిన్‌ని రిపీట్ చేశాడు.. ఇప్పుడు నితిన్‌తో రెండోసారి చేస్తున్న మూవీ ((VNR TRIO) లోనూ రష్మికనే కథానాయికగా తీసుకున్నాడు.. ఇటీవలే పూజా కార్యక్రమాలతో ప్రారంభమైంది..