తెలుగు దర్శకుల హాలీవుడ్‌ సినిమా… ఎంత బాగుంది చెప్పండి ఈ మాట. చాలా ఏళ్లుగా తెలుగు సినిమా ప్రేక్షకులు ఈ కోరికతో ఉన్నారు. ఎంతోమంది దర్శకులు సినిమాలు చేసి… బాలీవుడ్‌కి వెళ్లారు తప్ప, హాలీవుడ్‌కి వెళ్లలేదు. ఒకరిద్దరు వెళ్లినా డాక్యుమెంటరీ చిత్రాల దర్శకులే. కానీ ఇటీవల కాలంలో మన దర్శకులు హాలీవుడ్‌కి వెళ్తున్నారనే మాట వినిపిస్తోంది. ఒకరు కాదు, ఇద్దరు దర్శకులు ఈ ప్రయత్నంలో ఉన్నారని అంటున్నారు. ప్రస్తుతం ఆ ప్రయత్నాలే సాగుతున్నాయట.
‘ఆర్‌ఆర్ఆర్’ సినిమా తర్వాత రాజమౌళి ఓ హాలీవుడ్‌ సినిమా చేస్తారని ఆ మధ్య వార్తలొచ్చాయి. ఓ హాలీవుడ్‌ సంస్థతో ఇప్పటికే రాజమౌళి టైఅప్‌ కుదుర్చుకున్నారని, అందులో భాగంగా ఓ యానిమేషన్‌ సినిమా చేస్తారనేది అప్పటి వార్తల సారాంశం. అయితే ఆ వార్త ఓ రెండు, మూడు రోజులు చక్కర్లు కొట్టి తర్వాత ఆగిపోయింది. ఆ తర్వాత మహేష్‌బాబు సినిమా ముచ్చట్లు వినిపించడం మొదలుపెట్టాయి. దీంతో ఆ సినిమా ఉందో లేదో తెలియడం లేదు. అయితే ఇప్పుడు పూరి జగన్‌ హాలీవుడ్‌ సినిమా తీస్తారు అని టాక్‌ వినిపిస్తోంది.
సినిమాలు వేగంగా తీస్తాడు, అదే సమయంలో అదరగొడతాడు అని పూరి జగన్‌కు టాలీవుడ్‌లో పేరు. అయితే ‘లైగర్‌’ విషయానికొచ్చేసరికి వేగం బాగా మందగించింది. పాన్ ఇండియా సినిమా అనో, లేక ఇంకే కారణమో కానీ ఆ సినిమా నిదానంగా చిత్రీకరించారు. ఈ సినిమా తర్వాత తన కలల ప్రాజెక్ట్‌ ‘జ‌న‌గ‌న‌మ‌ణ’ను లైన్‌లోకి తీసుకురాబోతున్నారట. ఇది కూడా పాన్ ఇండియా సినిమానే. ఆ తర్వాత ఓ ఇంట‌ర్నేష‌న‌ల్ సినిమా తీయాలని పూరి అనుకుంటున్నారట.
సినిమాకు సంబంధించిన స్క్రిప్ట్‌ విషయంలో పూరి జగన్‌ ఇప్పటికే ఓ నిర్ణయానికి వచ్చారట. దాని మీద మరోసారి కూర్చుని ఫైనల్‌ చేద్దాం అని చూస్తున్నారట. అయితే మరి ఆ సినిమాలో హీరో ఎవరు, కథేంటి లాంటి వివరాలు తెలియాలి. అయితే ఇటీవల పూరి జగన్‌ ‘లైగర్‌’ కోసం మైక్‌ టైసన్‌ను కలిశారు. ఈ క్రమంలో ఆయన జీవిత చరిత్రనే సినిమాగా తీస్తారా ఏంటి? అనే చర్చ సోషల్‌ మీడియాలో నడుస్తోంది. ‘లైగర్‌’ మైక్‌ టైసన్‌ కీలక పాత్రలో నటించిన విషయం తెలిసిందే. మరి పూరి ఆలోచన ఏంటో.
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
