Sarkaru Vaari Paata: సర్కారు పాట యాక్షన్ సీన్లు అలా ఉంటాయా..?

టాలీవుడ్ ఇండస్ట్రీలో సినిమాసినిమాకు వైవిధ్యం ఉండే విధంగా కథల విషయంలో జాగ్రత్తలు తీసుకునే నటులలో మహేష్ ఒకరనే సంగతి తెలిసిందే. ప్రస్తుతం మహేష్ పరశురామ్ డైరెక్షన్ లో సర్కారు వారి పాట సినిమాలో నటిస్తున్నారు. యాక్షన్ కొరియోగ్రాఫర్స్ రామ్ లక్ష్మణ్ సర్కారు వారి పాట సినిమా గురించి మాట్లాడుతూ ఆసక్తికర విషయాలను వెల్లడించారు. ఇప్పటికే సర్కారు వారి పాట దుబాయ్ షెడ్యూల్ పూర్తి కాగా దుబాయ్ యాక్షన్ సీన్ అసాధారణంగా ఉంటుందని రామ్ లక్ష్మణ్ చెప్పుకొచ్చారు.

మహేష్ ఫ్యాన్స్ తో పాటు సాధారణ ప్రేక్షకులు సైతం థ్రిల్ అయ్యే విధంగా సర్కారు వారి పాట యాక్షన్ సన్నివేశాలు ఉంటాయని రామ్ లక్ష్మణ్ పేర్కొన్నారు. కెరీర్ లో ఇప్పటివరకు ఎన్నో స్టంట్స్ చేసినా సర్కారు వారి పాటలో పూర్తి భిన్నమైన స్టంట్స్ ఉంటాయని రామ్ లక్ష్మణ్ అన్నారు. సర్కారు వారి పాట కొరకు యూనిక్ గా ప్రయత్నించామని ఆ అనుభవం మాకు కూడా కొత్తగా ఉందని రామ్ లక్ష్మణ్ వెల్లడించారు.

ఈ మూవీ కోసం తాము కొత్త బృందంతో పని చేశామని రామ్ లక్ష్మణ్ చెప్పుకొచ్చారు. రామ్ లక్ష్మణ్ చెప్పిన మాటలను పరిశీలిస్తే సర్కారు వారి పాట యాక్షన్ సన్నివేశాలు హాలీవుడ్ రేంజ్ లో ఉండబోతున్నాయనే కామెంట్లు వినిపిస్తున్నాయి. త్వరలో సర్కారు వారి పాట షూటింగ్ రామోజీ ఫిల్మ్ సిటీలో మొదలుకానుందని ఈ షెడ్యూల్ లో మహేష్ బాబు అర్జున్ కు సంబంధించిన కీలక సన్నివేశాలను దర్శకుడు తెరకెక్కిస్తారని తెలుస్తోంది. ప్రత్యేకంగా నిర్మించిన సెట్లో ఈ సన్నివేశాల చిత్రీకరణ జరగనుందని సమాచారం.

Most Recommended Video

ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!