‘చెన్నై ఎక్స్ప్రెస్’ సినిమా ఎంత హిట్, ఎంత ఫేమస్, ఎన్ని వసూళ్లు అందుకుందో.. ఆ సినిమాలోని ఓ పాట అంత విజయాన్ని అందుకుంది అని చెప్పాలి. యూట్యూబ్లో, మ్యూజిక్ స్ట్రీమింగ్ ప్లాట్ఫామ్స్లో అంతకుమించిన వ్యూస్ వచ్చాయి. ఇప్పటిలా అప్పుడు కూడా సోషల్ మీడియా ఉండి ఉంటే.. రీల్స్ కుమ్మేసేవి. కవర్ సాంగ్స్ క్యూ కట్టేసేవి. ఇలాంటి బంపర్ బ్లాక్బస్టర్ హిట్ అందుకున్న పాటను తొలుత షారుఖ్ ఖాన్ వద్దన్నాడని మీకు తెలుసా?
‘లుంగీ డ్యాన్స్..’ పాట వచ్చినప్పుడు.. అసలు ఈ లుంగి డ్యాన్స్ మాది అంటే మాది అంటూ ఇతర పరిశ్రమల్లో చర్చ జరిగింది. ఎందుకంటే అప్పటికే మిగిలిన పరిశ్రమల్లో అలాంటి పాటలు, స్టెప్పులు ఉన్నాయి. ఆ విషయం పక్కనపెడితే ఈ సినిమాలో పాట గురించి హీరో షారుఖ్ ఖాన్ అనుకున్నది అనుకున్నట్లు జరిగి ఉంటే మనం ఎవరో ఒక కుర్ర హీరోనో, కొత్త కుర్రాడో వేసిన స్టెప్పులు చూసేవాళ్లం.
ఇప్పటికీ సంగీత్ పార్టీల్లో లుంగీ డ్యాన్స్ హవా మామూలుగా ఉండదు. అభిమానంతో సంబంధం లేకుండా ఆ పాట పడిందంటే స్టెప్పులేసేస్తారు. అయితే ఆ పాట గాయకుడు హనీ సింగ్ (Honey Singh) ప్రకారం అయితే.. ‘పార్టీ ఆల్ నైట్’ లాంటి పాట కావాలని షారుఖ్ (Shah Rukh Khan) అడిగారట. దాంతో ‘లుంగీ డ్యాన్స్..’ పాట గురించి హనీ సింగ్ చెప్పారట. అయితే షారుఖ్కి ఆ పాట నచ్చలేదట. దీంతో సింగర్ చాలా బాధపడ్డారట.
షారుఖ్ ఎలాగూ వద్దన్నాడు కాబట్టి.. సొంతంగా ఓ మ్యూజికల్ సింగిల్ చేసి రిలీజ్ చేద్దామని హనీ సింగ్ (Honey Singh) ప్లాన్ ప్లాన్ చేశాకట. అయితే ఆ సమయంలో ఈ విషయం తెలుసుకున్న ‘చెన్నై ఎక్స్ప్రెస్’ సినిమా దర్శకుడు రోహిత్ శెట్టి (Rohit Shetty) ‘ఈ పాటను సినిమాలోనే పెడదాం’’ అని ఫిక్స్ చేసి చెప్పారట. అలా ‘చెన్నై ఎక్స్ప్రెస్’లో ‘లుంగీ డ్యాన్స్..’ భాగమైంది. లేదంటే ఆ పాటకు షారుఖ్, దీపికా పడుకొణె (Deepika Padukone )స్టెప్పులు మనం మిస్ అయ్యేవాళ్లమే.
