బాగానే దాచారే?…కామియోలు బయటకు రాకుండా

ఇటు సినిమా షూటింగ్‌ మొదలవ్వడం… అటు లీక్‌లు ప్రారంభమవ్వడం. ఇటీవల కాలంలో తెలుగు సినిమా పరిస్థితి ఇలానే ఉంది. కొబ్బరికాయ కొట్టి.. క్లాప్‌ కొట్టడం ఆలస్యం… లీక్‌లు షికార్లు చేసేస్తున్నాయి. చిన్న హీరో , పెద్ద హీరో, స్టార్‌ హీరో అనే తేడా లేకుండా సాగిపోతోంది. అలాంటి సమయంలో పెద్ద బ్యానర్‌లో తెరకెక్కిన ఓ సినిమా ఇద్దరు స్టార్లు నటిస్తున్న విషయం లీక్‌ అవ్వలేదు అంటే నమ్ముతారా? కానీ ఇది జరిగింది. అసలు వారికి ఇదెలా సాధ్యమైంది అని నెటిజన్లు తెగ బుర్ర గోక్కుంటున్నారు.

నాగ్‌ అశ్విన్‌ నిర్మించిన ‘జాతిరత్నాలు’ ఇటీవల ప్రేక్షకుల ముందుకొచ్చింది. అనుదీప్‌ దర్శకత్వం వహించిన ఈ సినిమాలో నవీన్‌ పొలిశెట్టి, ఫరియా, రాహుల్‌ రామకృష్ణ, ప్రియదర్శి నటించారు. ఇదంతా రోజూ చదివిన విషయమే. అయితే ఇందులో విజయ్‌ దేవరకొండ, కీర్తి సురేశ్‌ నటించారని ఎవరూ చెప్పలేదు. కేమియోలే కావొచ్చు కానీ… సినిమా తెర మీద చూసే వరకు ఈ విషయం ఎవరికీ తెలియదు. విజయ్‌ లాంటి హీరో , కీర్తి లాంటి హీరోయిన్‌ కేమియో చేసిన విషయం లీక్‌ ఎందుకు కాలేదబ్బా అనేదే ప్రశ్న.

సినిమా లీక్‌లు ఆపడం… రాజమౌళి, ప్రశాంత్‌ నీల్‌, కొరటాల… ఇలా పెద్ద పెద్ద డైరెక్టర్లకే సాధ్యం కాలేదు. మరి ‘జాతిరత్నాలు’ టీమ్‌కి ఎలా సాధ్యమైంది. ‘ఆర్‌ఆర్‌ఆర్‌’, ‘సలార్‌’, ‘ఆచార్య’ సినిమాల పిక్స్‌, వీడియోలు లీక్‌ అయిన విషయం తెలిసిందే. ఒకవేళ ఎంత లోప్రొఫైల్‌ మెయింటైన్‌ చేసినా… రిలీజ్‌కి ఒకటిరెండు రోజుల ముందు అయినా తెలిసిపోయేది. ఇదంతా చూస్తుంటే ‘జాతిరత్నాలు’ టీమ్‌ ప్రైవసీ సీక్రెట్‌ అందరికీ చెప్పొచ్చేమో. కేమియోలు బయటకు రాకుండా చూడాలో క్లాస్‌లు చెప్పాలేమో.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!