రాశీ ఖన్నా.. టాలీవుడ్‌లో వరుస సినిమాలు చేస్తున్న హిట్ రాని హీరోయిన్‌. ఒకటి కాదు, రెండు కాదు సుమారు మూడేళ్ల నుండి ఇదీ పరిస్థితి. అలాంటి రాశీ ఖన్నా ఇప్పుడు ఐఎండీబీ రేటింగ్స్‌లో తొలి స్థానంలో నిలిచింది. అవును మీరు చదివింది నిజమే. ఐఎండీబీ రిలీజ్‌ చేసిన లేటెస్ట్‌ లిస్ట్‌లో రాశీ ఖన్నా తొలి స్థానంలో ఉంది. దీనికి కారణం ఓ వెబ్ సిరీస్‌. అదే ‘ఫర్జీ’. షాహిద్‌ కపూర్‌, విజయ్ సేతుపతి ప్రధాన పాత్రల్లో రూపొందిన ఈ సిరీస్‌లో రాశీ కీలక పాత్రలో నటించింది.
ఆ సిరీస్‌ ఘన విజయం సాధించడంతో రాశీకి తొలి స్థానం దక్కింది. ఐఎండీబీ ఈ వార‌పు టాప్ స్టార్ల లిస్టులో రాశీ ఖన్నా ఈ ఘనత సాధించింది. షారుఖ్ ఖాన్‌, దీపికా ప‌డుకొణె లాంటి బాలీవుడ్ స్టార్ల‌ని వెన‌క్కి నెట్టి రాశీ ముందుకొచ్చింది. బాలీవుడ్‌లో ఇప్పుడు ‘ఫర్జీ’ హాట్ టాపిక్‌గా నిలిచిన విషయం తెలిసిందే. దీంతోనే రాశీకి ఐఎండీబీలో తొలి స్థానం దక్కింది అని చెప్పొచ్చు. ఇక ‘ప‌ఠాన్’ సినిమాతో బ్లాక్‌బస్టర్‌ హిట్ కొట్టిన షారుఖ్‌కి జాబితాలో రెండో స్థానం దక్కింది.
అలా ‘ఫర్జీ’ నటుడు విజయ్ సేతుపతి మూడో స్థానంలో ఉన్నాడు. రెజీనాకు నాలుగో స్థానం దక్కగా, ఆదిత్య చోప్రాకు ఐదు, దీపికా పడుకొణెకు ఆరో స్థానం దక్కాయి. గతేడాది రాశీ ఖన్నా ‘పక్కా కమర్షియల్‌’, ‘థ్యాంక్యూ’, ‘తిరు’, ‘సర్దార్’ సినిమాల్లో నటించింది. అందులో ఆఖరి సినిమానే విజయం సాధించింది. మిగిలినవన్నీ ఇబ్బంది పెట్టే ఫలితాలే ఇచ్చాయి.
ఈ సమయంలోనే రాశీ ఖన్ఆకు ‘ఫర్జీ’ అనే వెబ్ సిరీస్‌ వచ్చింది. దీంతో రాశీ కొత్త ఇన్నింగ్స్ మొదలుపెట్టింది. సమంతకు ‘ది ఫ్యామిలీ మ్యాన్‌ 2’ ఎలాంటి పేరు తెచ్చిందో.. రాశీకి ‘ఫర్జీ’ అని అంటున్నారు ఫ్యాన్స్‌. మరి ఈ ఊపులో సౌత్‌లో కూడా తిరిగి పునర్‌ వైభవం తెచ్చుకుంటుందేమో చూడాలి.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
