టాలీవుడ్ ఇండస్ట్రీకి కీలకమైన సీజన్లలో సమ్మర్ సీజన్ కూడా ఒకటనే సంగతి తెలిసిందే. సమ్మర్ లో సినిమాలు విడుదలై పాజిటివ్ టాక్ ను సొంతం చేసుకుంటే ఆ సినిమాలు రికార్డు స్థాయిలో కలెక్షన్లను సొంతం చేసుకునే అవకాశం అయితే ఉంటుంది. 2023 సమ్మర్ టార్గెట్ గా తెలుగులో చాలా సినిమాలు తెరకెక్కుతున్నాయి. ఏకంగా ఏడుగురు స్టార్ హీరోలు 2023 సమ్మర్ లో తమ సినిమాలను రిలీజ్ చేయాలని భావిస్తున్నారు. సమ్మర్ లో రిలీజయ్యే ఈ సినిమాలకు సంబంధించి డేట్లు ఫిక్స్ కాకపోయినా హీరోల మధ్య మాత్రం 2023 సమ్మర్ కు పోటీ తప్పదని ఇప్పటికే క్లారిటీ వచ్చింది.
చిరంజీవి మెహర్ రమేష్ కాంబినేషన్ లో భోళా శంకర్ పేరుతో ఒక సినిమా తెరకెక్కనుండగా ఈ సినిమా 2023 సమ్మర్ కానుకగా రిలీజయ్యే అవకాశం ఉందని ఇండస్ట్రీ వర్గాల్లో వినిపిస్తోంది. మరో స్టార్ హీరో బాలకృష్ణ అనిల్ రావిపూడి కాంబో మూవీ కూడా 2023 సంవత్సరం సమ్మర్ కానుకగా థియేటర్లలో విడుదల కానుంది. ప్రభాస్ ప్రశాంత్ నీల్ కాంబినేషన్ లో భారీ బడ్జెట్ తో ఒక సినిమా తెరకెక్కనుండగా ఈ సినిమా కూడా సమ్మర్ కానుకగా రిలీజయ్యే అవకాశం ఉందని వార్తలు ప్రచారంలోకి వస్తున్నాయి.
మహేష్ బాబు త్రివిక్రమ్ కాంబో మూవీ కూడా సమ్మర్ కానుకగా థియేటర్లలో విడుదల కానుంది. ఎన్టీఆర్ కొరటాల శివ కాంబో మూవీ సైతం సమ్మర్ కానుకగా రిలీజ్ కానుందని తెలుస్తోంది. చరణ్ శంకర్ కాంబో మూవీ సైతం సమ్మర్ కానుకగా తెరకెక్కుతుండటం గమనార్హం. అల్లు అర్జున్ సుకుమార్ కాంబినేషన్ లో తెరకెక్కనున్న పుష్ప2 సినిమా కూడా సమ్మర్ కానుకగా రిలీజ్ కానుందని సమాచారం అందుతోంది.
2023 సమ్మర్ సమయానికి మరికొన్ని సినిమాలు సైతం షూటింగ్ ను పూర్తి చేసుకునే ఛాన్స్ అయితే ఉంది. కరోనా ఫస్ట్ వేవ్, సెకండ్ వేవ్, థర్డ్ వేవ్ వల్ల షూటింగ్ లు ఆలస్యం కావడంతో స్టార్ హీరోల సినిమాల రిలీజ్ డేట్లు క్లాష్ అవుతున్నాయి.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
