అనుష్క సినిమాకి భారీ క్రేజ్

బాహుబలి సినిమా ప్రభాస్ తో పాటు అందులో నటించిన అందరికీ దేశవ్యాప్తంగా గుర్తింపును తెచ్చి పెట్టింది. దక్షిణాది భాషల్లో టాప్ హీరోయిన్ గా తెలిసిన అనుష్క బాహుబలితో ఉత్తరాదిన అభిమానులను సంపాదించుకుంది. అందుకే ఆమె చిత్రాలను కొనుగోలు చేయడానికి అక్కడి వారు ఆసక్తి కనబరుస్తున్నారు. ప్రస్తుతం అనుష్క బాగమతి సినిమా చేస్తోంది. అశోక్ దర్శకత్వంలో తెరకెక్కుతోన్న ఈ సినిమా ప్రొడక్షన్ వర్క్ కంప్లీట్ చేసుకొని, పోస్ట్ ప్రొడక్షన్ వర్క్ జరుపుకుంటోంది. యువీ క్రియేషన్స్ బ్యానర్లో రూపుదిద్దుకున్న ఈ సినిమాని మూడు భాషల్లో రిలీజ్ చేయడానికి నిర్మాతలు వంశీ, ప్రమోద్ లు ఏర్పాటు చేస్తున్నారు.

ఈ మూవీ థియేటర్స్ రైట్స్ కంటే ముందు శాటిలైట్ రైట్స్ అమ్ముడుపోతున్నట్లు సమాచారం. భాగమతి హిందీ వెర్షన్ శాటిలైట్ రైట్స్ 12 కోట్లకు ఓ హిందీ ఛానల్ వాళ్ళు కొనుగోలు చేసినట్లు తెలిసింది. పవన్ కళ్యాణ్, త్రివిక్రమ్ కాంబినేషన్లో తెరకెక్కుతోన్న మూవీ హిందీ డిజిటల్ రైట్స్‌కి 11 కోట్లు వచ్చాయి.  భాగమతికి అంతకుమించి రావడంతో ఫిలిం నగర్లో ఈ విషయం హాట్ టాపిక్ అయింది. బాహుబలి అనుష్కకు తెచ్చిపెట్టిన క్రేజ్ వల్లే ఈ చిత్రం అంత ధర పలికిందని చెప్పుకుంటున్నారు.  మరి థియేటర్స్ రైట్స్ ఏ రేంజ్ లో ధర పలుకుతుందో చూడాలి.

Also, do SUBSCRIBE to our YouTube channel to get latest Tollywood updates.