యంగ్ టైగర్ ఎన్‌టి‌ఆర్ నటిస్తున్న తాజా చిత్రం ‘జనతా గ్యారేజ్’. కొరటాల శివ దర్శకత్వంలో తెరకెక్కుతున్న ఈ చిత్రం శరవేగంగా షూటింగ్ జరుపుకుంటోంది. చిత్రీకరణ దశలో ఉండగానే ఈ చిత్ర మలయాళీ హక్కులు భారీ ధరకు అమ్ముడైయ్యాయి.
తాజా సమాచారం ప్రకారం ఈ చిత్ర తమిళ హక్కుల కోసం ఓ డిస్ట్రిబ్యూషన్ సంస్థ దాదాపు రూ.10 కోట్లు ఆఫర్ చేసిందని కోలీవుడ్ వర్గాలు అంటున్నాయి. ఈ చిత్రం చెన్నైలో చిత్రీకరణ జరుపుకుంటున్న సమయంలో చిత్ర ఔట్ పుట్ పై సంతృప్తి చెందిన సదరు డిస్ట్రిబ్యూషన్ సంస్థ ఇంత పెద్ద మొత్తాన్ని ఆఫర్ చేసిందని అంటున్నారు. మైత్రి మూవీ మేకర్స్ పతాకం పై నిర్మిస్తున్న ఈ చిత్రం ఆగష్టు 12 న ప్రేక్షకుల ముందుకు రానుంది.
