Jr NTR: 100 మంది తో ఎన్టీఆర్ భారీ ఫైట్!

Jr NTR: 100 మంది తో ఎన్టీఆర్ భారీ ఫైట్!యంగ్ టైగర్ ఎన్టీఆర్ నిన్న జెమినీ టివి లో ప్రసారమైన ఎవరు మీలో కోటీశ్వరుడు షో ద్వారా దాదాపుగా మూడేళ్ళ తరువాత తన ఆడియన్స్ ముందుకు వచ్చారు. ఇక ప్రస్తుతం రామ్ చరణ్ తో కలిసి ఆయన చేస్తున్న సినిమా ఆర్ఆర్ఆర్. రాజమౌళి తీస్తున్న ఈ భారీ పాన్ ఇండియా సినిమాపై ప్రేక్షకాభిమానుల్లో తారా స్థాయిలో అంచనాలు ఉన్నాయి. ఎన్టీఆర్ కొమురం భీం గా చరణ్ అల్లూరి సీతారామరాజుగా నటిస్తున్న ఈ సినిమా నుండి ఇటీవల రిలీజ్ అయిన రెండు టీజర్స్, దోస్తీ సాంగ్ అందరినీ విశేషంగా ఆకట్టుకున్నాయి.

అయితే అసలు విషయం ఏమిటంటే, ఈ సినిమాలో కూడా గతంలో రాజమౌళి తీసిన మగధీర మాదిరిగా 100 మందితో పోరాడే భారీ యాక్షన్ సీన్ ఒకటి ఉందని టాక్. కొమురం భీం 100 మంది బ్రిటిషర్ల పై తిరగబడి పోరాడే భారీ యుద్ధ సీన్ ఇటీవల హైదరాబాద్ లో అనేక కెమెరాలతో భారీ సెట్టింగ్ మధ్య చిత్రీకరించారని, రేపు థియేటర్స్ లో ఆ సీన్ కి గూస్ బంప్స్ ఖాయం అని సమాచారం. ఈ సీన్ కోసం ఎన్టీఆర్ ఎంతో శ్రమటోడ్చి కష్టపడ్డారని అంటున్నారు.

అది మాత్రమే కాక ఈ సినిమాలో మరెన్నో ఊహించని సర్ప్రైజ్ లు దర్శకుడు రాజమౌళి ప్లాన్ చేసారని, మొత్తంగా అన్ని వర్గాల ఆడియన్స్ ని ఆకట్టుకునేలా దర్శకడు రాజమౌళి తీస్తున్న ఈ సినిమా విడుదల తరువాత భారీ సక్సెస్ కొట్టడం ఖాయం అని ఇన్నర్ వర్గాల టాక్. అలియా భట్, ఒలీవియా మోరిస్ హీరోయిన్స్ గా నటిస్తున్న ఈ సినిమాలో సముద్రఖని, శ్రియ, అజయ్ దేవగన్ ఇతర పాత్రలు చేస్తుండగా డివివి ఎంటర్టైన్మెంట్స్ బ్యానర్ పై దానయ్య దీనిని దాదాపుగా రూ.500 కోట్ల రూపాయల బడ్జెట్ తో నిర్మిస్తున్నారు. అందుతున్న సమాచారం ప్రకారం ఈ సినిమా వచ్చే ఏడాది సమ్మర్ లో ప్రేక్షకుల ముందుకు రానున్నట్లు తెలుస్తోంది.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!