యంగ్ రెబల్ స్టార్ ప్రభాస్ బాహుబలి తర్వాత డైరక్టర్ సుజీత్ దర్శకత్వంలో చేస్తున్న సాహో సినిమా షూటింగ్ వేగంగా సాగుతోంది. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ సినిమా విజయవంతంగా మొదటి షెడ్యూల్ పూర్తి చేసుకొని రెండో షెడ్యూల్ కి సిద్ధమవుతోంది. ఈ షెడ్యూల్ దుబాయ్ అబుదాబిలో జరగనుంది. అక్కడ అతి ఎత్తైన భవనం బుర్జ్‌ ఖలీఫా వద్ద గాలిలో పెద్ద యాక్షన్ సీన్ ప్లాన్ చేశారు. మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ ని ఆధ్వర్యంలో ఈ ఫైట్ తెరకెక్కించనున్నారు.
ముప్పై కోట్లు ఖర్చు చేయనున్న ఈ ఫైట్ సినిమాలోనే హైలెట్ కానుంది. బుర్జ్‌ ఖలీఫాలో ఇప్పటివరకు ఇండియన్ మూవీస్ లలో వెల్‌కమ్‌ బ్యాక్‌ షూటింగ్ మాత్రమే అక్కడ జరిగింది. తెలుగులో మొదటి సినిమా ఇదే కావడం విశేషం. బాలీవుడ్ బ్యూటీ శ్రద్ధ కపూర్ హీరోయిన్ గా నటిస్తున్న ఇందులో విలన్ గా నీల్ నితిన్ ముకేష్, మరికొన్ని కీలక పాత్రలో చుంకే పాండే, జాకీష్రాఫ్, మహేష్ మంజ్రేకర్, మందిర బేడీ, టిన్ను ఆనంద్ లు నటిస్తున్నారు. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు సాహోకి సంగీతాన్ని అందించనున్నారు. ఈ సినిమాకోసం ప్రభాస్ అభిమానులు ఎంతగానో ఎదురుచూస్తున్నారు.
Home