నితిన్ ‘రంగ్ దే’ రేంజ్ పెరిగిపోతుందిగా…!

September 25, 2020 / 11:15 PM ISTByFilmy Focus

Join Us

నితిన్ ‘రంగ్ దే’ రేంజ్ పెరిగిపోతుందిగా…!

యూత్ స్టార్ నితిన్ హీరోగా వెంకీ అట్లూరి డైరెక్షన్లో తెరకెక్కుతోన్న చిత్రం ‘రంగ్ దే’. ఈ మధ్యనే ఈ చిత్రం షూటింగ్ తిరిగి ప్రారంభమయ్యింది. మొన్నటి వరకూ ఈ చిత్రం ఓటిటిలోనే విడుదలవుతుంది అంటూ ప్రచారం జరిగింది కానీ.. ఫైనల్ గా ఆ డీల్ క్యాన్సిల్ అయినట్టు కూడా వార్తలు వస్తున్నాయి. కీర్తి సురేష్ హీరోయిన్ గా నటిస్తున్న ఈ చిత్రాన్ని 2021 సంక్రాంతికి కచ్చితంగా థియేటర్లలోనే విడుదల చెయ్యడానికి నిర్మాతలు ప్లాన్ చేస్తున్నారు.

సరే ఆ విషయాన్ని పక్కన పెట్టేస్తే.. ముందుగా ‘రంగ్ దే’ కోసం అనుకున్న బడ్జెట్ ఇప్పుడు మించిపోతుందని ప్రచారం జరుగుతుంది. అయితే ఆ ప్రచారంలో నిజం లేదని కూడా తెలుస్తుంది. విషయం ఏమిటంటే.. ఈ చిత్రం కథ ప్రకారం హీరో ఇల్లు అమెరికాలో ఉంటుందట. ఆ ఇంట్లోనే హీరో, హీరోయిన్ల మధ్య ఎక్కువ సన్నివేశాలు ఉంటాయని తెలుస్తుంది. అయితే అమెరికాలో ఉండే హీరో ఇల్లు కోసం హైదరాబాద్ లోనే సెట్లు వేస్తున్నారని తెలుస్తుంది.

RangDe Movie Nithiin Keerthy Suresh1

ఈ ఇంటి సెట్ కోసమే నిర్మాతలు ఏకంగా 1.5కోట్లు ఖర్చు చేస్తున్నట్టు కూడా సమాచారం. సినిమాటోగ్రాఫర్ పి.సి.శ్రీరామ్ ఈ ఇంటి సెట్ ను చాలా బాగా చూపిస్తారని… ఇందుకు తగిన విజువల్స్ కూడా అద్భుతంగా ఉంటాయని తెలుస్తుంది. అయితే ఇంటి సెట్ కోసమే 1.5కోట్లు ఖర్చు పెడుతున్నారని వార్తలు రావడంతో.. ‘రంగ్ దే’ బడ్జెట్ ఎక్కువైపోయిందనే కామెంట్స్ వినిపిస్తున్నట్టు స్పష్టమవుతుంది.