థియేటర్ ఓనర్ గా కూడా దిల్ రాజుకి తప్పని నష్టాలు!

మోస్ట్ సక్సెస్ ఫుల్ ప్రొడ్యూసర్ కమ్ డిస్ట్రిబ్యూటర్ దిల్ రాజుకి 2018 అంతగా అచ్చొచ్చినట్లు కనిపించడం లేదు. ఎందుకంటే.. నిర్మాతగానే కాక డిస్ట్రిబ్యూటర్ గానూ దిల్ రాజు ఈ ఏడాది భారీ నష్టాలు చవిచూడాల్సి వచ్చింది. ఈ నష్టం సరిపోదన్నట్లు.. థియేటర్ ఓనర్ గానూ దిల్ రాజుకి భారీ నష్టం వాటిల్లింది. విశాఖపట్నంలోని గాజువాక ప్రాంతంలో ఉన్న శ్రీకన్య థియేటర్ తెలియనివారు ఆ ఏరియాలోనే కాదు ఆంధ్రాలోనూ ఉండరు. అంత పాపులర్ అయిన ఆ థియేటర్ ను థియేటర్ తన కంట్రోల్ లోకి తెచ్చుకొని.. దాన్ని మల్టీప్లెక్స్ గా మార్చాడు. 3 స్క్రీన్లతో ఎల్లప్పుడూ యమ బిజీగా ఉండే సదరు శ్రీకన్య థియేటర్ ఇవాళ తెల్లవారుఝామున బుగ్గిపాలైంది. థియేటర్ లో చోటు చేసుకొన్న ఓ షార్ట్ సర్క్యూట్ కారణంగా చెలరేగిన మంటల్లో థియేటర్ మొత్తం ధ్వంసం అయ్యింది. కోట్ల రూపాయల నష్టం వాటిల్లింది.

ఈ థియేటర్ కి ఇన్స్యూరెన్స్ ఉన్నప్పటికీ.. ఆ థియేటర్ ను మళ్ళీ రీమోడల్ చేసి రీలాంచ్ చేయలాంటే కనీసం ఆరేడు నెలలు పడుతుంది. వైజాగ్ లోని ఒన్నాఫ్ ది బిజీయస్ట్ సెంటర్ లో ఉన్న మెయిన్ థియేటర్ అది కూడా మల్టీపుల్ స్క్రీన్స్ ఉన్న థియేటర్ ఇలా మంటల పాలవ్వడంతో షాక్ అయ్యారు దిల్ రాజు & టీం. ఇలా దెబ్బ మీద దెబ్బపడుతుంటే తట్టుకోవడం ఎవరికైనా కష్టమే.