టాలీవుడ్ లో కొత్త హీరోయిన్ ఎంట్రీ ఇచ్చిందంటే చాలు అందరి దృష్టి అటువైపే ఉంటుంది. ఎందుకంటే తెలుగులో హీరోయిన్ల కొరత చాలా ఎక్కువగా ఉంది. కాస్త టాలెంట్ ఉంటే చాలు.. వాళ్లకు అవకాశాలు ఇస్తుంటారు మన నిర్మాతలు. ‘ఉప్పెన’ సినిమా తరువాత కృతిశెట్టికి వరుస అవకాశాలు క్యూ కట్టాయి. ఒక్క హిట్టు.. ఆమెని స్టార్ హీరోయిన్ల పక్కన నిలబెట్టింది.
ఇప్పుడు కొత్త హీరోయిన్ శ్రీలీల పరిస్థితి కూడా అలానే ఉంది. ‘పెళ్లి సందD’ సినిమాతో హీరోయిన్ గా ఎంట్రీ ఇచ్చింది శ్రీలీల. గతవారం విడుదలైన ఈ సినిమాకి ఆశించిన స్థాయిలో రెస్పాన్స్ రాలేదు. కానీ మంచి వసూళ్లనైతే రాబట్టింది. దానికి తోడు శ్రీలీలకు మంచి పేరొచ్చింది. చూడడానికి అందంగా కనిపించడంతో పాటు డాన్స్ లలో మంచి ఈజ్ చూపించింది.
నిజానికి ఈ సినిమా విడుదలకు ముందే శ్రీలీలపై టాలీవుడ్ దృష్టి పడింది. రవితేజ సినిమాలో శ్రీలీల హీరోయిన్ గా ఫిక్స్ అయింది. ఇప్పుడు విడుదలయ్యాక మరిన్ని అవకాశాలు క్యూ కడుతున్నాయి. శర్వా, నితిన్, నిఖిల్, సాయి ధరమ్ తేజ్ ఇలాంటి యంగ్ హీరోల పక్క శ్రీలీల అయితే బావుంటుందని నిర్మాతలు భావిస్తున్నారు. ఇప్పటికే ఈ బ్యూటీ చేతిలో నాలుగు సినిమాలు ఉన్నాయని తెలుస్తోంది. కొత్తగా మరో రెండు ఆఫర్లు కూడా వచ్చాయని సమాచారం.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్ భామల రెమ్యూనరేషన్ ఎంతంటే?
