ఆ విధంగా వచ్చిన మొత్తం డబ్బులను దానం చేస్తున్న సమంత

సినీ స్టార్స్ కి సినిమాలో నటిస్తే వచ్చే పారితోషికంతో పాటు వివిధ మార్గాల్లో సంపాదన వస్తుంది. వాణిజ్య ఉత్పత్తులకు ప్రచారకర్తగా, షాపింగ్‌ మాల్‌ ఓపెనింగ్ కి వెళ్లి లక్షలు గడిస్తుంటారు. అయితే ఇందులో కొంత సేవా కార్యక్రమాలకు వినియోగిస్తుంటారు. సమంత కూడా ప్రత్యూష ఫౌండేషన్‌ కు అండగా నిలిచారని అందరికీ తెలిసిందే. ఆమె సంపాదనలో కొంతభాగం ఆ ఫౌండేషన్‌ కి కేటాయిస్తుంటారని కూడా తెసులు. తాజాగా ఎవరికీ తెలియని విషయాన్నీ ఆమె బయట పెట్టింది. షాపింగ్‌ మాల్స్‌ ప్రారంభోత్సవాలకు వెళ్లినప్పుడు వచ్చిన సొమ్ము మొత్తం ప్రత్యూష ఫౌండేషన్‌కి వెళ్లిపోతుందని, అందులోంచి ఒక్క పైసా తీసుకోనని చెప్పింది.

నటిగా అందుకునే పారితోషికం నుంచీ కూడా కొంత మొత్తం ఫౌండేషన్‌కే వెళ్తుందని వెల్లడించి అందరికీ స్ఫూర్తిగా నిలిచింది. ప్రస్తుతం చేతి నిండా సినిమాలో బిజీగా ఉన్నప్పటికీ ఆమె అందించిన మొత్తం సక్రమంగా బాధిత పిల్లలకు అందుతుందో లేదో దగ్గరుండి చూసుకుంటుంది. “డబ్బులిచ్చేసాం అంటే సరిపోదు .. అన్ని పనుల్నీ దగ్గరుండి చూసుకోవడంలో ఆనందం ఉంది” అని సమంత వివరించింది.

Also, do SUBSCRIBE to our YouTube channel to get latest Tollywood updates.