భారీ ధరకు అమ్ముడుపోయిన నాని “నిన్ను కోరి” మూవీ హక్కులు

త్రినాథరావు నక్కిన దర్శకత్వంలో నాని నటించిన ‘నేను లోకల్’ చిత్రం భారీ వసూళ్లను రాబట్టింది.  ఫిబ్రవరి 3న విడుదలైన ఈ చిత్రం యూఎస్ఏలోను కలక్షన్ల వర్షం కురిపించింది. దీంతో లోకల్ హీరో కాస్త యూనివర్సల్ హీరో అయిపోయారు. ప్రస్తుతం నూతన దర్శకుడు శివ నిర్వాన డైరెక్షన్లో నాని నిన్ను కోరి సినిమా చేస్తున్నారు. డీవీవీ దానయ్య నిర్మిస్తున్న ఈ మూవీ అమెరికాలోని సాన్ ఫ్రాన్సిస్కో, లాస్ ఏంజిల్స్ వంటి ఆకర్షణీయమైన లోకేషన్లలోచిత్రీకరణ జరుపుకుంటోంది. ఈ సినిమా కంప్లీట్ కాకముందే ఓవర్సీస్ హక్కులు అమ్ముడు పోయాయి.

అమెరికాకు చెందిన ఓ డిస్ట్రిబ్యూటర్ 3.5 కోట్లకు నిన్నుకోరి హక్కులను సొంతం చేసుకున్నట్లు చిత్ర బృందం తెలిపింది. తెలుగు రాష్ట్రాల హక్కుల కోసం డిస్ట్రిబ్యూటర్లు పోటీపడుతున్నట్లు తెలిసింది. జెంటిల్ మ్యాన్ తర్వాత నివేత థామస్ మళ్ళీ ఇందులో నానితో జతకట్టింది. వరుస విజయాలతో దూసుకుపోతున్న నానికి నిన్నుకోరి కూడా విజయాన్ని అందిస్తుందని సినీ విశ్లేషకులు అంచనా వేస్తున్నారు.

Also, do SUBSCRIBE to our YouTube channel to get latest Tollywood updates.