ఇండియన్ సినిమాలో ఇప్పటివరకు మీరు ఎన్నో అదిరిపోయే కాంబినేషన్లు చూసుంటారు. కానీ ఈ కోలీవుడ్ – టాలీవుడ్ – బాలీవుడ్ – శాండిల్ వుడ్ – మాలీవుడ్ కాంబినేషన్ మాత్రం చూసుండరు. కనీసం ఊహించి ఉండరు కూడా. అలాంటి ఓ కాంబినేషన్ సెట్ అవుతోంది ఇండియన్ సినిమాలో. బాలీవుడ్ దర్శకుడు ఒకరు నిర్మాగా మారి.. టాలీవుడ్ స్టార్ రైటర్ కథను తీసుకొని.. కోలీవుడ్ హీరో + డైరక్టర్తో ఓ సినిమా చేయబోతున్నారు.
అవును, మీరు చదివింది కరెక్టే. ఇప్పటికే ఈ సినిమాకు సంబంధించిన ప్రీ ప్రొడక్షన్ పనులు, కాస్టింగ్ పనులు కూడా మొదలయ్యాయి. ఈ విషయంలో ఈ ప్రాజెక్ట్లో భాగమైన దర్శకుడు పీఎస్ మిత్రన్ చెప్పుకొచ్చారు. ప్రముఖ రచయిత విజయేంద్ర ప్రసాద్ రాసిన కథ ఒకటి బాలీవుడ్ ప్రముఖ దర్శకుడు, నిర్మాత సంజయ్ లీలా భన్సాలీ దగ్గరకు వెళ్లింది. అక్కడి నుండి ఆ కథ పీఎస్ మిత్రన్ దగ్గరకు వచ్చింది. ఈ మొత్తం సెటప్ ప్రముఖ హీరో ధనుష్ దగ్గరకు వచ్చింది.
ఇప్పుడు అర్థమైందా ఈ కాంబో ఎంత స్ట్రాంగ్గా ఉందో. ప్రస్తుతం ఇంకా ఏదీ ఓ కాకపోయినా.. ప్రాజెక్ట్ అయితే లైన్లో ఉంది అని చెప్పారు మిత్రన్. ఇదంతా ఓకే ఇక్కడ శాండిల్ వుడ్, మాలీవుడ్ ప్రస్తావన ఎందుకు వచ్చింది అనేగా. ఏముంది ఇన్ని వుడ్స్ కలుస్తున్నప్పుడు మిగిలిన రెండు వుడ్స్ నుండి నటులను తీసుకోకుండా ఉంటారా చెప్పండి. మలయాళీ, కన్నడ పరిశ్రమల నుండి హీరోయిన్, ఇతర ముఖ్య నటులను తీసుకొస్తారు. కుదిరితే తెలుగు నుండి కూడా తీసుకుంటారు.
ఇలా ఇండియన్ సినిమా పరిశ్రమలోనే అతి పెద్ద కాంబో సెట్ అవ్వబోతోంది. మరి ఈ సినిమాను ఎప్పుడు, ఎలా అనౌన్స్ చేస్తారు అనేది చూడాలి. విజయేంద్ర ప్రసాద్ కథల సత్తా మనందరికీ తెలుసు. భన్సాలీ అభిరుచి గురించి కూడా తెలుసు. అన్నింటికీ మించి ధనుష్ కథల ఎంపిక ఇంకా బాగా తెలుసు. సో వెయిట్ అండ్ సీ ఫర్ గ్రేట్ కాంబో.
