Hushar Pittalu Review in Telugu: హుషారు పిట్టలు సినిమా రివ్యూ & రేటింగ్!

ఇక రవి టాపర్ అవ్వడం ఓర్చుకోలేని బాలన్న.. అతన్ని ఎలాగైనా చెడగొట్టాలని భావించి, రవికి అశ్లీల చిత్రాలు చూపించి పెడదారిన పడేలా చేస్తాడు. అలాగే ఎవరైనా అమ్మాయిని చూసుకుని జల్సాలు చేయమని సలహా ఇస్తాడు. ఈ క్రమంలో రవి, చిట్టితో ప్రేమలో పడతాడు. వీరిద్దరూ చదువుని, పెద్దలను, పరువు ప్రతిష్టలను పక్కన పెట్టి.. పడకసుఖాన్ని ఆస్వాదిస్తూ ఉంటారు.ఒకరోజు రవి ప్రేమలో ఉన్నది తన చెల్లెలితోనే అనే షాకింగ్ విషయం బాలన్నకు తెలుస్తుంది. ఆ తర్వాత ఏం జరిగింది? అసలు చిట్టి లోకాకర్షణలకి గురవ్వడానికి కారణం ఎవరు? రవి జీవితం ఏమయ్యింది? వీళ్ళ కన్నవాళ్లు ఏమయ్యారు? అనేది మిగిలిన కథ.

నటీనటుల పనితీరు: సినిమాలో 95 శాతం నటీనటులు కొత్తవాళ్లే. ఆన్ష్ బాగా చేశాడు. వాసవి గణేశన్ కూడా బాగానే చేసినప్పటికీ కొన్ని సన్నివేశాల్లో మరీ చిన్న పిల్లలా కనిపిస్తుంది. కథ కూడా అలాంటిదే కాబట్టి.. ఇంకొంతమందికి కన్వెన్సింగ్ గా అనిపించొచ్చు. హీరోయిన్ తండ్రి పాత్ర చేసిన గోవర్ధన్ రెడ్డి పాత్ర కూడా గుర్తుండిపోతుంది. మొదట నెగిటివ్ గా కనిపించిన ఈ పాత్ర.. తర్వాత అందరినీ ఎమోషన్ కి గురిచేస్తుంది. సునీత పాత్ర కూడా అంతే..! ప్రణి రెడ్డి సీరియస్ గా కనిపిస్తూనే కామిడీ పండించింది. హీరో తండ్రిగా చేసిన రమేష్ నకిరికంటి కూడా తన పాత్రలో ఒదిగిపోయాడు. తాత పాత్ర కూడా బాగా పేలింది.

సాంకేతిక నిపుణుల పనితీరు: ట్రైలర్ చూస్తేనే ‘హుషారు పిట్టలు’ కథపై అందరికీ ఒక క్లారిటీ వచ్చేస్తుంది. కాకపోతే టీజర్‌లో ‘ఆన్‌లైన్ క్లాస్’ డైలాగ్ అనేది హుక్ పాయింట్ అయిపోయింది. సినిమాపై ఓ సెక్షన్ ఆఫ్ ఆడియన్స్ ఫోకస్ పడేలా చేసింది. అందుకు తగ్గట్టే ఫస్ట్ హాఫ్‌లో.. సినిమా సెటప్, క్యారెక్టర్స్ ఇంట్రడక్షన్ ఉంటుంది. స్టార్టింగ్‌లో కథనం కొంచెం స్లోగా అనిపిస్తుంది. సాదాసీదాగానే అనిపిస్తుంది. ఇంటర్వెల్ సీక్వెన్స్ చూసి సెకండాఫ్.. ‘ఇలాగే ఉంటుందేమో’ అని ఆడియన్స్ ఓ అంచనాకి వచ్చేస్తారు.

కానీ అక్కడే దర్శకుడు కొంచెం వినూత్నంగా ఆలోచించాడు. కేవలం హీరో, హీరోయిన్ల కోణంలోనే కాదు, వారి తల్లిదండ్రుల కోణంలో కూడా ప్రేక్షకులు ఆలోచించేలా కొన్ని మంచి సన్నివేశాలు రాసుకున్నాడు. హీరోయిన్ ఫాదర్ ట్రాక్ కావచ్చు, హీరో మదర్ ట్రాక్ కావచ్చు.. అందరికీ ఎమోషనల్‌గా కనెక్ట్ అయ్యేలా ఉంటాయి. సెకండాఫ్‌లో హీరో తల్లి వద్దకి స్కూల్ టీచర్ వచ్చి మాట్లాడే సన్నివేశం ఒకటి ఉంటుంది. చెప్పుకోవడానికి ఇది సాదాసీదా సన్నివేశమే. కానీ అందులో చాలా లోతు ఉంటుంది. మీనింగ్‌ఫుల్‌గా అనిపిస్తుంది. తర్వాత వచ్చే సీన్స్ కూడా అందరికీ కనెక్ట్ అవుతాయి.

బాలన్న పాత్ర కావచ్చు, శైలు పాత్ర కావచ్చు, హీరోయిన్ తండ్రి పాత్ర, హీరో తల్లిదండ్రుల పాత్రలతో అంతర్లీనంగా కొన్ని మెసేజ్‌లు ఇచ్చే ప్రయత్నం కూడా చేశాడు దర్శకుడు భిక్షు. అయితే హీరో, హీరోయిన్ రోజూ కలుసుకునే సన్నివేశాలు వంటివి కొన్ని లాజిక్‌లెస్ అనిపిస్తాయి. అలాగే క్లైమాక్స్ కూడా ఇన్‌కంప్లీట్‌ ఫీలింగ్ అనిపిస్తుంది. బడ్జెట్ పరిమితుల కారణంగానే ఆ సన్నివేశాలు అలా తీశారేమో. ఇక చరణ్ అర్జున్ మ్యూజిక్ బాగుంది. నేపథ్య సంగీతం కథనం నుండి డీవియేట్ కాకుండా బాగానే కుదిరింది. ఇంతకు ముందు చెప్పుకున్నట్టు నిర్మాణ విలువలు కొంత మైనస్‌గానే అనిపిస్తాయి.

విశ్లేషణ: ‘హుషారు పిట్టలు’ రెగ్యులర్ గా మొదలవుతుంది. నిబ్బా-నిబ్బీ..ల ప్రేమకథేనేమో అనిపిస్తుంది. కానీ సెకండాఫ్లో కొన్ని మంచి సన్నివేశాలు ఉండటం వల్ల, ఎమోషన్స్ వర్కౌట్ అయ్యాయి. నిర్మాణ విలువలు, క్లైమాక్స్ కనుక బెటర్ గా ఉండుంటే.. ఈ సినిమా స్థాయి మరోలా ఉండేది. ఓటీటీలోకి వచ్చాక ఈ సినిమాకి బెటర్ రెస్పాన్స్ రావొచ్చు. కానీ థియేటర్లలో ఎలాంటి రెస్పాన్స్ వస్తుందో చూడాలి..!

ఫోకస్ పాయింట్: ‘హుషారు’ లోపించిన ‘పిట్టలు’

రేటింగ్: 2.25/5