విద్యార్థులు ఎంత మేర విజయాలను అందుకుంటారో గురువులకు కొంత మేర అవగాహన ఉంటుంది. ఎందుకంటే మాస్టర్ కి స్టూడెంట్ ప్రతిభ పూర్తిగా తెలుస్తుంది కాబట్టి. అలాగే నటనలో మెళకువలు నేర్పించే సత్యానంద్ తన శిష్యుల గురించి ఆనాడే అంచనా వేశారు. అతను అనుకున్నట్లు టాలీవుడ్ టాప్ హీరోల్లో మహేష్, ప్రభాస్ చేరారు. వీరిద్దరూ హీరోగా సినిమాల్లో ఎంటర్ అయ్యే ముందు కొంతకాలం వైజాక్ సత్యానంద్ వద్ద నటనలో శిక్షణ తీసుకున్నారు. అప్పటి సంగతులను సత్యానంద్ తాజాగా ఓ ఇంటర్వ్యూ లో చెప్పారు. మహేష్, ప్రభాస్ గొప్ప స్థాయికి వెళ్తారని ముందే అంచనా వేయడమే కాక, ఆ విషయాన్ని వారి కుటుంబ సభ్యులకూ చెప్పానని ఆయన వెల్లడించాడు.
ఇంకా మాట్లాడుతూ .. ‘‘పవన్ కళ్యాణ్ కు నేను శిక్షణ ఇచ్చిన విషయం తెలుసుకుని రాఘవేంద్రరావు గారు, అశ్వనీదత్ కు చెప్పి మహేష్ ను నాకు అప్పగించారు. మహేష్ బ్రిలియంట్ స్టూడెంట్. అతడి మెమరీ పవర్ అమోఘం. ఏం చెప్పినా రెస్పాన్స్ చాలా వేగంగా వచ్చేది. క్లాసుల్ని ఎంజాయ్ చేస్తూ.. వెంటనే రెస్పాండ్ అయ్యేవాడు. నాకు చాలా శ్రమ తక్కువైంది. మహేష్ భవిష్యత్తు గురించి కృష్ణగారు ఒకసారి అడిగారు. టాప్-3లో ఉంటాడని చెప్పాను. ఇక ప్రభాస్ కూడా బాగా నేర్చుకునేవాడు. ఓ రోజు ప్రభాస్ సిస్టర్, బావగారు నన్ను వాళ్లింటికి భోజనానికి పిలిచారు. మావాడు ఏ స్థాయికి వెళ్తాడని అడిగారు. ఇండస్ట్రీలో టాప్-4లో ఒకడిగా ఉంటాడని చెప్పాను. వాళ్లు నమ్మలేదు’’ అని సత్యానంద్ వివరించారు. అప్పుడు చెప్పినట్లు గానే మహేష్, ప్రభాస్ వారి ట్యాలెంట్ తో స్టార్ హీరోలుగా ఎదిగారని తెలిపారు.
Also, do SUBSCRIBE to our YouTube channel to get latest Tollywood updates.
